ബ്രഹ്മപുരത്തെ കുറ്റകൃത്യം

മാലിന്യക്കൂമ്പാരങ്ങളില്‍ നിന്നുള്ള തീയും പുകയും കൊച്ചിയിലെ ലക്ഷക്കണക്കിന് വരുന്ന മനുഷ്യരുടെ ജീവിതത്തിലേക്ക് അസ്വസ്ഥതകളായി പടര്‍ന്നുകയറിയിട്ട് പത്ത് ദിവസത്തിലധികം പിന്നിട്ടുകഴിഞ്ഞു. അഴിമതിയില്‍ മുങ്ങിനില്‍ക്കുന്ന നമ്മുടെ ഭരണവ്യവസ്ഥ, മധ്യകേരളത്തിലെ നിരവധി മേഖലകളെ ബാധിക്കുന്ന തരത്തില്‍ സാമൂഹികവും പാരിസ്ഥിതികവും നിരവധി പ്രത്യാഘാതങ്ങള്‍ക്ക് കാരണമായ ഒരു ദുരന്തത്തെ നിര്‍മിച്ചെടുത്തിരിക്കുകയാണ്.