ഇറാൻ: മൗലികവാദങ്ങൾക്കിടയിൽ മരിച്ചുപോകുന്ന സ്​ത്രീകൾ

മതപൗരോഹിത്യം നേതൃത്വം നൽകുന്ന ഇറാന്‍ ഭരണകൂടത്തിന്റെ മൗലികവാദ നിലപാടുകൾക്കെതിരെ ഇറാനിയന്‍ ജനത പ്രതിഷേധം തുടരുകയാണ്. എതിര്‍ക്കുന്നവരെ മുഴുവന്‍ അടിച്ചമര്‍ത്തുകയും വധശിക്ഷക്കുവിധേയമാക്കുകയും ചെയ്യുന്ന ഏകാധിപത്യ നടപടിക്കെതിരെ വിവിധ ​മേഖലകളിലുള്ളവർ സ്​ത്രീപുരുഷഭേദമേന്യ രംഗത്തുവന്നിരിക്കുന്നു. ഇസ്​ലാമിക വിപ്ലവത്തിനുമുമ്പും അതിനുശേഷവും അതാതു ഭരണകൂടങ്ങൾ നടപ്പാക്കിയ മൗലികവാദ നയങ്ങളുടെ ഇരകൾ സ്​ത്രീകളായിരുന്നു. ആ സ്​ത്രീസമൂഹമാണ്​ ഇന്ന്​ ​ പ്രതിഷേധവുമായി തെരുവിലിറങ്ങിയിരിക്കുന്നത്​. ഇറാനിലെ ഭരണകൂട നടപടികളുടെ ചരിത്രപാശ്​ചാത്തലത്തെക്കുറിച്ചും അതിനെതിരായ പ്രതിരോധത്തെക്കുറിച്ചും സംസാരിക്കുകയാണ്​ ചരിത്ര അധ്യാപകനും എഴുത്തുകാരനുമായ എ.എം. ഷിനാസ്.