ദൗളഗിരി
ഒഡീഷയിലെ ദൗളഗിരിയുടെ മുകളില്നിന്നാണ് ബി.സി 261ല് നടന്ന കലിംഗയുദ്ധം അശോകന് കണ്ടതെന്ന് കരുതപ്പെടുന്നു. യുദ്ധത്തില് കൊല്ലപ്പെട്ട പതിനായിരക്കണക്കിന് മനുഷ്യരുടെ ചോര കലര്ന്ന് ദൗളഗിരിയുടെ താഴ്വരയിലൂടെ ഒഴുകുന്ന ദയാനദി ചുവന്നുപോയെന്നും കരുതപ്പെടുന്നു.
വാളിന്റെ
സീല്ക്കാരമായ്
കാതില്
ചോരക്കമ്മലിട്ട്
കടന്നുപോകുന്ന
കലിയടങ്ങാത്ത
കാറ്റുകള്
ചീറിവരും
അമ്പുകള്പോലെ
താഴ്വരയില്നിന്ന്
പറന്നുവന്ന് ഞാന്
ചാരിനില്ക്കും
മരത്തിലിരിക്കുന്ന
കിളിപ്പറ്റങ്ങള്
ആരുടേയോ
കൈതട്ടിവീണ്
പടവുകളിലൂടെ താഴോട്ട്
തകിടം മറിയുന്ന
മുഖംമൂടികളോടൊപ്പം
ഉരുണ്ടുപോകുന്ന
ആര്ത്തനാദങ്ങള്
തലയ്ക്കുമീതേ
ഉരുണ്ടുകൂടുന്ന
മേഘങ്ങള്ക്കെല്ലാം
ആനകളുടേയും
കുതിരകളുടേയും
കാലാളുകളുടേയും
ഉഗ്രഭാവങ്ങള്
തുമ്പികൈകളും
കൊമ്പുകളും
അലറലുകളും
കുതിരക്കുളമ്പടികളും
ചിനയ്ക്കലുകളും
കൊലവിളികളും
തിളച്ചുതൂവുന്ന
താഴ്വരകള്
മരണത്തെ
പെറ്റുകൂട്ടുന്ന
ആകാശമൊരു
ചോരക്കളം, താഴെ
വലിഞ്ഞിഴയുന്ന
ദയാനദിയൊരു
ചോരപ്പാമ്പ്
നില്പ്പിങ്ങനെ
തുടര്ന്നാല്
ബി.സിയില്നിന്ന്
വിട്ട അമ്പുകൊണ്ടോ
വീശിയ വാളുകൊണ്ടോ
എറിഞ്ഞ കുന്തമേറ്റോ
എന്റെ ചോരയോടൊപ്പം
എന്റെ ഉടലും
ദയാനദിയില്
ചെന്നുചേരുമെന്ന്
എനിക്കു തോന്നി.
ഒഡീഷയിലെ ദൗളഗിരിയുടെ മുകളില്നിന്നാണ് ബി.സി 261ല് നടന്ന കലിംഗയുദ്ധം അശോകന് കണ്ടതെന്ന് കരുതപ്പെടുന്നു. യുദ്ധത്തില് കൊല്ലപ്പെട്ട പതിനായിരക്കണക്കിന് മനുഷ്യരുടെ ചോര കലര്ന്ന് ദൗളഗിരിയുടെ താഴ്വരയിലൂടെ ഒഴുകുന്ന ദയാനദി ചുവന്നുപോയെന്നും കരുതപ്പെടുന്നു.
രാജു വാവാട്
1 May 2020, 12:20 PM
വല്ലാത്ത ഒരു ഫീൽ
Sajeevan Pradeep
30 Apr 2020, 10:35 AM
നല്ല കവിത
Shynikrishna
28 Apr 2020, 06:27 PM
മനോഹരമായിരിക്കുന്നു
Xavier Joseph
26 Apr 2020, 07:06 PM
Very nice.. Interesting..
Deepa karuvatt
26 Apr 2020, 06:39 PM
നല്ല കവിത. ഇഷ്ടപ്പെട്ടു
ബിന്ദു കൃഷ്ണൻ
Dec 23, 2020
5 Minutes Listening
Priyan
8 May 2020, 09:40 AM
നന്നായിട്ടുണ്ട് രേണു. ഭീതി പരത്തുന്ന കാഴ്ചകൾ.... ആശംസകൾ..