truecoppy
MORE
Truecopy Home
Readers
are
Thinkers

Monday, 15 August 2022

truecoppy
Truecopy Logo
Readers are Thinkers

Monday, 15 August 2022

  • Videos
  • Short Read
  • Long Read
  • Webzine
  • Dialogos
  • Truecast
  • Truetalk
  • Grandma Stories
  • Bibliotheca
  • Bird Songs
  • Bibliotheca Bird Songs Election 2021 Capital Thoughts Dr. Think Day Scholar Earth P.O. Graffiti Science is Truth Sherlock Holmes True Pictures True Reel True Review
Close
Videos
Short Read
Long Read
Webzine
Dialogos
Truecast
Truetalk
Grandma Stories
Bibliotheca
Bird Songs
Election 2021
Capital Thoughts
Dr. Think
Day Scholar
Earth P.O.
Graffiti
Science is Truth
Sherlock Holmes
True Pictures
True Reel
True Review
Image
1
Image
1
https://truecopythink.media/taxonomy/term/5012
Guterres

Climate Emergency

നാം കാലാവസ്ഥാ ദുരന്തത്തിലേക്ക്
നടന്നടുക്കുകയാണ്,
മതി എന്നു പറയാൻ സമയമായി...

നാം കാലാവസ്ഥാ ദുരന്തത്തിലേക്ക് നടന്നടുക്കുകയാണ്, മതി എന്നു പറയാൻ സമയമായി...

സൈറണുകള്‍ മുഴങ്ങുന്നു. നമ്മുടെ ഗ്രഹം നമ്മോട് എന്തൊക്കെയോ സംസാരിക്കുന്നു. അതുപോലെ എല്ലായിടത്തുമുള്ള ജനങ്ങളും. ആളുകളുടെ ആശങ്കകളുടെ പട്ടികയില്‍ കാലാവസ്ഥാ പ്രവര്‍ത്തനം ഒന്നാമതാണ്. നമ്മള്‍ ശ്രദ്ധിക്കണം - പ്രവര്‍ത്തിക്കണം - നമ്മള്‍ വിവേകത്തോടെ തിരഞ്ഞെടുക്കണം; കാലാവസ്ഥാ ഉച്ചകോടിയിൽ ഐക്യരാഷ്ട്ര സഭ ജനറല്‍ സെക്രട്ടറി അന്റോണിയോ ഗുട്ടെറസ്‌ നടത്തിയ പ്രസംഗം

3 Nov 2021, 08:59 AM

അന്റോണിയോ ഗുട്ടെറെസ്

ഗ്ലാസ്‌ഗോവില്‍ നടക്കുന്ന കാലാവസ്ഥാ ഉച്ചകോടിയെ അഭിസംബോധന ചെയ്ത്​ഐക്യരാഷ്ട്ര സഭ ജനറല്‍ സെക്രട്ടറി അന്റോണിയോ ഗുട്ടെറസ്‌
നടത്തിയ പ്രസംഗം.  CoP -26ന്റെ സംവാദ വിഷയങ്ങളുടെ ഊന്നലുകള്‍ എന്താണെന്ന് ഈ പ്രസംഗം വ്യക്തമാക്കുന്നു.

പാരീസ് കാലാവസ്ഥാ ഉടമ്പടിക്ക് ശേഷമുള്ള ആറ് വര്‍ഷങ്ങള്‍ ചരിത്രത്തിലെ ഏറ്റവും ചൂടേറിയ ആറ് വര്‍ഷങ്ങളായി മാറി. ഫോസില്‍ ഇന്ധനങ്ങളോടുള്ള നമ്മുടെ ആസക്തി മാനവികതയെ നാശത്തിന്റെ  അരികിലേക്ക് തള്ളിവിടുകയാണ്. നാം ഒരു തിരഞ്ഞെടുപ്പിനെ അഭിമുഖീകരിക്കുന്നു: ഒന്നുകില്‍ നാം അത് അവസാനിപ്പിക്കുന്നു, അല്ലെങ്കില്‍ അത് നമ്മെ അവസാനിപ്പിക്കും.

"മതി' എന്ന് പറയാനുള്ള സമയമാണിത്. ജൈവവൈവിധ്യത്തെ നാശമാക്കുന്നത് മതി. കാര്‍ബണ്‍ ഉപയോഗിച്ച് നമ്മെത്തന്നെ കൊല്ലുന്നത് മതി. 
 പ്രകൃതിയെ ശൗചാലയം പോലെ കാണുന്നത് മതി. കൂടുതല്‍ ആഴത്തില്‍  തുരക്കുന്നതും ഖനനം ചെയ്യുന്നതും മതി. നാം നമ്മുടെ ശവക്കുഴി തോണ്ടുകയാണ്. നമ്മുടെ ഗ്രഹം നമ്മുടെ കണ്‍മുന്നില്‍ മാറിക്കൊണ്ടിരിക്കുന്നു - സമുദ്രത്തിന്റെ ആഴം മുതല്‍ പര്‍വത ശിഖരങ്ങള്‍ വരെ; ഉരുകുന്ന ഹിമാനികള്‍ മുതല്‍ തീവ്ര കാലാവസ്ഥാ സംഭവങ്ങള്‍ വരെ. സമുദ്രനിരപ്പ് 30 വര്‍ഷം മുമ്പുണ്ടായിരുന്നതിന്റെ ഇരട്ടിയാണ്. സമുദ്രങ്ങള്‍ക്ക് എന്നത്തേക്കാളും ചൂടാണ് - അവ വേഗത്തില്‍ ചൂടാകുന്നു. ആമസോണ്‍ മഴക്കാടുകള്‍ ഇപ്പോള്‍ ആഗിരണം ചെയ്യുന്നതിനേക്കാള്‍ കൂടുതല്‍ കാര്‍ബണ്‍ പുറന്തള്ളുന്നു.

melting ice

 സമീപകാല കാലാവസ്ഥാ നടപടി പ്രഖ്യാപനങ്ങള്‍ നമ്മുടെ രീതികള്‍ മാറ്റാനുള്ള പാതയിലാണെന്ന പ്രതീതി നല്‍കിയേക്കാം. ഇതൊരു മിഥ്യയാണ്. ദേശീയ നിര്‍ണീത സംഭാവനകളെക്കുറിച്ച് അവസാനമായി പ്രസിദ്ധീകരിച്ച റിപ്പോര്‍ട്ട്, ലോകത്തെ 2.7 ഡിഗ്രി വര്‍ദ്ധനയ്ക്ക് വിധേയമാക്കുമെന്ന് കാണിച്ചു.  സമീപകാല വാഗ്ദാനങ്ങള്‍ വ്യക്തവും വിശ്വസനീയവുമാണെങ്കിലും അവയില്‍ ചിലതിനെക്കുറിച്ച് ഗൗരവമായ ചോദ്യങ്ങളുണ്ടെങ്കില്‍ കൂടിയും നാം ഇപ്പോഴും കാലാവസ്ഥാ ദുരന്തത്തിലേക്ക് നടന്നടുക്കുകയാണ്. ഏറ്റവും നല്ല സാഹചര്യത്തില്‍ പോലും, താപനില രണ്ട് ഡിഗ്രിക്ക് മുകളില്‍ ഉയരും.

അതിനാല്‍, ഏറെ പ്രതീക്ഷയോടെ കാത്തിരുന്ന ഈ കാലാവസ്ഥാ സമ്മേളനം ആരംഭിക്കുമ്പോള്‍, നാം ഇപ്പോഴും കാലാവസ്ഥാ ദുരന്തത്തിലേക്കാണ് നീങ്ങുന്നത്. യുവജനങ്ങള്‍ക്ക് അത് അറിയാം. എല്ലാ രാജ്യങ്ങളും അത് കാണുന്നു. ചെറിയ ദ്വീപുകളും, വികസ്വര രാഷ്ട്രങ്ങളും മറ്റ് ദുര്‍ബലരായ രാജ്യങ്ങളും  അതില്‍ ജീവിക്കുന്നു. അവര്‍ക്ക് പരാജയം ഒരു തിരഞ്ഞെടുപ്പല്ല, വധശിക്ഷയാണ്.

നാം സത്യത്തിന്റെ നിമിഷത്തെ അഭിമുഖീകരിക്കുക.

 ആഗോള താപനത്തിന്റെ വര്‍ദ്ധിച്ചുവരുന്ന ഫീഡ്ബാക്ക് ലൂപ്പുകള്‍ക്ക് കാരണമാകുന്ന അഗ്ര സൂചികകളിലേക്ക് ( Tipping points) നാം അതിവേഗം അടുക്കുകയാണ്. എന്നാല്‍  ‘നെറ്റ് സീറോ’യില്‍ നിക്ഷേപിക്കുന്നത്, കാലാവസ്ഥയെ പ്രതിരോധിക്കുന്ന സമ്പദ് വ്യവസ്ഥ അതിന്റേതായ ഫീഡ്ബാക്ക് ലൂപ്പുകള്‍ സൃഷ്ടിക്കും.  സുസ്ഥിര വളര്‍ച്ചയുടെയും തൊഴിലവസരങ്ങളുടെയും സദ് വൃത്തങ്ങള്‍ കെട്ടിപ്പടുക്കാന്‍ നമുക്ക് സാധിക്കും. നൂറ്റാണ്ടിന്റെ മധ്യത്തോടെ നിരവധി രാജ്യങ്ങള്‍  ‘നെറ്റ് സീറോ എമിഷന്‍’ സംബന്ധിച്ച് വിശ്വസനീയമായ പ്രതിബദ്ധതകള്‍ നല്‍കിയിട്ടുണ്ട്. കല്‍ക്കരിയുടെ അന്താരാഷ്ട്ര ധനസഹായം പലരും പിന്‍വലിച്ചു. 700-ലധികം നഗരങ്ങള്‍ കാര്‍ബണ്‍ ന്യൂട്രാലിറ്റിയിലേക്ക് നീങ്ങുന്നു. സ്വകാര്യമേഖല ഉണരുകയാണ്. നെറ്റ്-സീറോ അസറ്റ് ഓണേഴ്സ് അലയന്‍സ് - വിശ്വസനീയമായ പ്രതിബദ്ധതകള്‍ക്കും സുതാര്യമായ ലക്ഷ്യങ്ങള്‍ക്കുമുള്ള സുവര്‍ണ്ണ നിലവാരം $10 ട്രില്യണ്‍ ആസ്തികള്‍ കൈകാര്യം ചെയ്യുകയും വ്യവസായങ്ങളിലുടനീളം മാറ്റം വരുത്തുകയും ചെയ്യുന്നു.

യുവാക്കള്‍ നയിക്കുന്ന കാലാവസ്ഥാ പ്രവര്‍ത്തന സൈന്യത്തെ തടയാനാവില്ല. അവ വലുതാണ്. അവര്‍ കൂടുതല്‍ ഉച്ചത്തില്‍ ശബ്ദിക്കുന്നു. കൂടാതെ, ഞാന്‍ നിങ്ങള്‍ക്ക് ഉറപ്പ് നല്‍കുന്നു, അവര്‍ പിന്‍വാങ്ങുന്നില്ല. ഞാന്‍ അവര്‍ക്കൊപ്പം നില്‍ക്കുന്നു. 

ശാസ്ത്രം വ്യക്തമാണ്. എന്താണ് ചെയ്യേണ്ടതെന്ന് നമുക്കറിയാം. ആദ്യം, നമ്മള്‍ 1.5 ഡിഗ്രി സെല്‍ഷ്യസ് എന്ന ലക്ഷ്യം നിലനിര്‍ത്തണം. 2030-ഓടെ ആഗോള ഉദ് വമനം 45 ശതമാനം കുറയ്ക്കുന്നതിന് ശക്തമായ നടപടികള്‍ ആവശ്യമാണ്. 80 ശതമാനത്തോളം ഉദ്​വമനത്തിന് ഉത്തരവാദികളായതിനാല്‍ G20 രാജ്യങ്ങള്‍ക്ക് ഇക്കാര്യത്തില്‍ പ്രത്യേക ഉത്തരവാദിത്തമുണ്ട്.  ദേശീയ സാഹചര്യങ്ങളുടെ വെളിച്ചത്തില്‍, പൊതുവായതും എന്നാല്‍ വ്യത്യസ്തവുമായ ഉത്തരവാദിത്തങ്ങള്‍ എന്ന തത്വമനുസരിച്ച്, വികസിത രാജ്യങ്ങള്‍ പരിശ്രമത്തിന് നേതൃത്വം നല്‍കണം. എന്നാല്‍ വളര്‍ന്നുവരുന്ന സമ്പദ്​വ്യവസ്ഥകളും അധിക ദൂരം സഞ്ചരിക്കേണ്ടതുണ്ട്.  കാരണം മലിനീകരണം ഫലപ്രദമായി കുറയ്ക്കുന്നതിന് അവരുടെ സംഭാവന അത്യന്താപേക്ഷിതമാണ്. ഗ്ലാസ്ഗോ വിജയകരമാക്കാന്‍ നമ്മുടെ ആഗ്രഹങ്ങള്‍ പരമാവധിയില്‍ എത്തേണ്ടത്  ആവശ്യമാണ് -
എല്ലാ രാജ്യങ്ങളില്‍ നിന്നും എല്ലാ മുന്നണികളിലും - സമ്പദ് വ്യവസ്ഥയുടെ ഡീ-കാര്‍ബണൈസേഷനും കല്‍ക്കരി നിര്‍മാര്‍ജനവും ത്വരിതപ്പെടുത്തുന്നതിന് സാമ്പത്തികവും സാങ്കേതികവുമായ സാഹചര്യങ്ങള്‍ സൃഷ്ടിക്കുന്നതിന് സഖ്യങ്ങള്‍ കെട്ടിപ്പടുക്കാന്‍ ഞാന്‍ വികസിത രാജ്യങ്ങളോടും വളര്‍ന്നുവരുന്ന സമ്പദ് വ്യവസ്ഥകളോടും അഭ്യര്‍ത്ഥിക്കുന്നു. ഈ കൂട്ടുകെട്ടുകള്‍ ചാരനിറത്തില്‍ നിന്ന് പച്ചയിലേക്കുള്ള  (gray to green) പരിവര്‍ത്തനത്തില്‍ കൂടുതല്‍ ബുദ്ധിമുട്ടുകള്‍ നേരിടുന്ന വലിയ മലിനീകാരികളെ (emitters) പിന്തുണയ്ക്കാന്‍ ഉദ്ദേശിച്ചുള്ളതാണ്.

Pollution

നാം മിഥ്യാധാരണകള്‍ക്ക്  അടിപ്പെടരുത്:  ഈ ഉച്ചകോടിയുടെ അവസാനത്തോടെ (രാഷ്ട്രങ്ങളുടെ) പ്രതിബദ്ധതകള്‍ കുറയുകയാണെങ്കില്‍, രാജ്യങ്ങള്‍ അവരുടെ ദേശീയ കാലാവസ്ഥാ പദ്ധതികളും നയങ്ങളും പുനഃപരിശോധിക്കണം. ഓരോ അഞ്ച് വര്‍ഷത്തിലും അല്ല. എല്ലാ വര്‍ഷവും. ഓരോ നിമിഷവും. 1.5 ഡിഗ്രി വരെ നിലനിര്‍ത്തുന്നത് ഉറപ്പാക്കപ്പെടും വരെ, ഫോസില്‍ ഇന്ധനങ്ങള്‍ക്കുള്ള സബ്സിഡികള്‍ അവസാനിക്കുന്നത് വരെ.  കാര്‍ബണ്‍ ( പുറന്തള്ളലിന്) ഒരു വില നിശ്ചയിക്കുന്നത് വരെ.  കല്‍ക്കരി ഘട്ടം ഘട്ടമായി നിര്‍ത്തുന്നത് വരെ.

നമുക്ക് കൂടുതല്‍ വ്യക്തത ആവശ്യമാണ്. വ്യത്യസ്ത അര്‍ത്ഥങ്ങളും വ്യത്യസ്ത അളവുകോലുകളും ഉപയോഗിച്ചുള്ള, മലിനീകരണം കുറയ്ക്കലിലും നെറ്റ് സീറോ ടാര്‍ഗെറ്റുകളിലും വിശ്വാസ്യതയുടെ കമ്മിയും ആശയക്കുഴപ്പത്തിന്റെ മിച്ചവും ഉണ്ട്. അതുകൊണ്ടാണ് - പാരീസ് ഉടമ്പടിയില്‍ ഇതിനകം സ്ഥാപിച്ചിട്ടുള്ള സംവിധാനങ്ങള്‍ക്കപ്പുറം - ഭരണകൂടേതര സംവിധാനങ്ങളില്‍  നിന്നുള്ള  ‘നെറ്റ് സീറോ’ പ്രതിബദ്ധതകള്‍ അളക്കുന്നതിനും വിശകലനം ചെയ്യുന്നതിനും വ്യക്തമായ മാനദണ്ഡങ്ങള്‍ നിര്‍ദ്ദേശിക്കുന്നതിന്  ഒരു വിദഗ്ധരുടെ ഒരു സംഘം സ്ഥാപിക്കുമെന്ന് ഞാന്‍ ഇന്ന് പ്രഖ്യാപിക്കുന്നു. രണ്ടാമതായി, കാലാവസ്ഥാ വ്യതിയാനത്തിന്റെ വ്യക്തവും നിലവിലുള്ളതുമായ അപകടങ്ങളില്‍ നിന്ന് ദുര്‍ബലരായ സമൂഹങ്ങളെ സംരക്ഷിക്കാന്‍ നാം കൂടുതല്‍ കാര്യങ്ങള്‍ ചെയ്യണം.

കഴിഞ്ഞ ദശകത്തില്‍, ഏകദേശം 400 കോടി ആളുകള്‍ കാലാവസ്ഥയുമായി ബന്ധപ്പെട്ട ദുരന്തങ്ങള്‍ അനുഭവിച്ചു. ആ നാശം വളരുകയേ ഉള്ളൂ. എന്നാല്‍ അഡാപ്‌റ്റേഷന്‍ പ്രവര്‍ത്തിക്കുന്നു, മുന്‍കൂര്‍ മുന്നറിയിപ്പ് സംവിധാനങ്ങള്‍ ജീവന്‍ രക്ഷിക്കുന്നു. കാലാവസ്ഥ- സൗഹൃദ കൃഷിയും അടിസ്ഥാന സൗകര്യങ്ങളും തൊഴിലവസരങ്ങള്‍ സംരക്ഷിക്കുന്നു. എല്ലാ ദാതാക്കളും അവരുടെ കാലാവസ്ഥാ ധനസഹായത്തിന്റെ പകുതി അഡാപ്‌റ്റേഷനുവേണ്ടി നീക്കിവയ്ക്കണം. പൊതു, ബഹുമുഖ വികസന ബാങ്കുകള്‍ എത്രയും വേഗം ആരംഭിക്കണം. മൂന്നാമതായി, ഈ ഉച്ചകോടി ഐക്യദാര്‍ഢ്യത്തിന്റെ ഒരു നിമിഷമായിരിക്കണം. വികസ്വര രാജ്യങ്ങളെ പിന്തുണയ്ക്കുന്നതിനായി പ്രതിവര്‍ഷം 100 ബില്യണ്‍ ഡോളര്‍ കാലാവസ്ഥാ ധനകാര്യ പ്രതിബദ്ധത 100 ബില്യണ്‍ ഡോളറിന്റെ കാലാവസ്ഥാ ധനകാര്യ യാഥാര്‍ത്ഥ്യമായി മാറണം.  വിശ്വാസവും വിശ്വാസ്യതയും പുനഃസ്ഥാപിക്കുന്നതിന് ഇത് നിര്‍ണായകമാണ്.  നമ്മെ അവിടെ എത്തിക്കാന്‍ കാനഡയുടെയും ജര്‍മ്മനിയുടെയും നേതൃത്വത്തില്‍ നടത്തുന്ന ശ്രമങ്ങളെ ഞാന്‍ സ്വാഗതം ചെയ്യുന്നു.  ഇത് ഒരു സുപ്രധാന ചുവടുവെപ്പാണ്  എന്നാല്‍ ഇവ വ്യക്തമായ ഉറപ്പ് നല്‍കുന്നില്ല.

ALSO READ

കാലാവസ്​ഥാ വ്യതിയാനം ചർച്ചയാക്കുന്ന പുസ്​തകം ബുക്ക്​ ഓഫ്​ ദി ഇയർ പട്ടികയിൽ

100 ബില്യണ്‍ ഡോളറിനപ്പുറം, വികസ്വര രാജ്യങ്ങള്‍ക്ക് കോവിഡിനെ ചെറുക്കുന്നതിനും പ്രതിരോധശേഷി വളര്‍ത്തുന്നതിനും സുസ്ഥിര വികസനം പിന്തുടരുന്നതിനും വളരെയധികം വിഭവങ്ങള്‍ ആവശ്യമാണ്. ഏറ്റവും കൂടുതല്‍ ദുരിതമനുഭവിക്കുന്നവര്‍ക്ക് - അതായത്, ഏറ്റവും കുറഞ്ഞ വികസിത രാജ്യങ്ങള്‍ക്കും ചെറിയ ദ്വീപ് വികസ്വര -  സമൂഹങ്ങള്‍ക്കും - അടിയന്തിര ധനസഹായം ആവശ്യമാണ്. കൂടുതല്‍ പൊതു കാലാവസ്ഥാ ധനസഹായം. കൂടുതല്‍ വിദേശ വികസന സഹായം. കൂടുതല്‍ ഗ്രാന്റുകള്‍. ഫണ്ടിംഗിലേക്കുള്ള എളുപ്പത്തിലുള്ള പ്രവേശനം. ബഹുമുഖ വികസന ബാങ്കുകള്‍ പ്രൈവറ്റ് ഫിനാന്‍സ് വഴി കൂടുതല്‍ നിക്ഷേപം സമാഹരിക്കുന്നതിന് കൂടുതല്‍ ഗൗരവമായി പ്രവര്‍ത്തിക്കണം.

സൈറണുകള്‍ മുഴങ്ങുന്നു. നമ്മുടെ ഗ്രഹം നമ്മോട് എന്തൊക്കെയോ സംസാരിക്കുന്നു. അതുപോലെ എല്ലായിടത്തുമുള്ള ജനങ്ങളും. ആളുകളുടെ ആശങ്കകളുടെ പട്ടികയില്‍ കാലാവസ്ഥാ പ്രവര്‍ത്തനം ഒന്നാമതാണ്. നമ്മള്‍ ശ്രദ്ധിക്കണം - പ്രവര്‍ത്തിക്കണം - നമ്മള്‍ വിവേകത്തോടെ തിരഞ്ഞെടുക്കണം. '
ഭാവി തലമുറയുടെ പേരില്‍ ഞാന്‍ നിങ്ങളോട് അഭ്യര്‍ത്ഥിക്കുന്നു:  ഉല്‍ക്കര്‍ഷേച്ഛയെ വരിക്കുക.  ഐകമത്യത്തെ സ്വീകരിക്കുക.
നമ്മുടെ ഭാവി സംരക്ഷിക്കാനും മനുഷ്യരാശിയെ രക്ഷിക്കാനും ഉള്ള വഴികള്‍ തിരഞ്ഞെടുക്കുക. 

(പരിഭാഷ: കെ.സഹദേവന്‍)

  • Tags
  • #Climate Change Conference in Glasgow
  • #Antonio Guterres
  • #Climate Emergency
  • #Environment
  • #K. Sahadevan
About text formats

Restricted HTML

  • Allowed HTML tags: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Lines and paragraphs break automatically.
  • Web page addresses and email addresses turn into links automatically.
 1x1_18.jpg

Environment

ദില്‍ഷ ഡി.

വിണ്ടുകീറുന്ന ഗ്രാമത്തില്‍ ഭയത്തോടെ 13 കുടുംബങ്ങള്‍

Jul 28, 2022

8 Minutes Watch

2

Environment

റിദാ നാസര്‍

മണ്ണിടിഞ്ഞിടിഞ്ഞ്​ പുഴയിലേക്കൊഴുകുന്ന ജീവിതങ്ങൾ

Jul 19, 2022

6 Minutes Watch

 Avikkalthodu.jpg

Human Rights

ദില്‍ഷ ഡി.

ആവിക്കലിലെ സമരക്കാർ തീവ്രവാദികളല്ല, നിലനിൽപിനുവേണ്ടിയാണ്​ ഈ പോരാട്ടം

Jul 06, 2022

7 Minutes Read

cov

Environment

Truecopy Webzine

പരിസ്ഥിതിസംരക്ഷണം, കുടിയേറ്റം, ബഫര്‍ സോണ്‍: തീ​വ്രവാദമല്ല, സംവാദം

Jun 20, 2022

8 minutes read

agneepath-military

GRAFFITI

കെ. സഹദേവന്‍

അഗ്നിപഥ്: കുറുവടിയുടെ കുറുക്കുവഴികള്‍

Jun 19, 2022

4 Minutes Read

cov

Environment

സംജിത് ഗംഗോപാധ്യായ

ഒരു പച്ച ഇടതുപക്ഷത്തെക്കുറിച്ച്​

Jun 06, 2022

7 Minutes Read

 1x1_16.jpg

Environment

അലി ഹൈദര്‍

എന്‍ഡോസള്‍ഫാന്‍: നിയമം കൊണ്ടൊരു പോരാട്ടം, വിജയം

May 31, 2022

20 Minutes Read

 Karimbanapalam.jpg

Environment

അതുൽ ടി.കെ.

വായുവിന് മലത്തിന്റെ ഗന്ധം; കരിമ്പനത്തോട്​ നിവാസികളുടെ പോരാട്ടത്തിന്​ ഒരു പതിറ്റാണ്ട്​

May 31, 2022

17 Minutes Read

Next Article

കർഷകസമരവും ഇന്ധന വിലവർധനയും വോട്ട്​ ചെയ്യുമോ?

About Us   Privacy Policy   Grievance Redressal   Terms of Use

Copyright © TRUECOPYTHINK. All rights reserved.

Sign up for new stories

Designed by Dzain | Developed by Mindster