സീത സൃഷ്ടിച്ച രാമൻ, സീത ഉപേക്ഷിച്ച രാജ്യം

രാമായണത്തിലെ സീതയെ സമകാലികമായും മനുഷ്യനായും പുനരാവിഷ്കരിക്കുന്ന നോവലാണ് ശാസ്ത്രജ്ഞയായ സിനി പണിക്കർ എഴുതിയ "Sita: Now You Know Me". ആദ്യം ഇംഗ്ളീഷിൽ (Rupa Publications, New Delhi) എഴുതിയ നോവൽ "യാനം സീതായനം" എന്ന പേരിൽ എഴുത്തുകാരി തന്നെ  മലയാളത്തിലേക്ക് മൊഴിമാറ്റം നടത്തി (Poorna Publications, Kozhikode). രണ്ടു പുസ്തകങ്ങളും ആമസോണിൽ ലഭ്യമാണ്. വാഷിങ്ങ്ടണിനടുത്ത് വിർജീനിയയിൽ താമസിക്കുന്ന സിനി പണിക്കർ അമേരിക്കൻ ഗവണ്മെന്റിന്റെ ഡ്രഗ്സ് ആൻഡ് നർകോട്ടിക്‌സ് വിഭാഗത്തിൽ സീനിയർ സയന്റിസ്റ്റായി ജോലി ചെയ്യുകയാണ്.