ജാനകി ഓർക്കുന്നു; കീനേരി കുഞ്ഞമ്പു എന്ന രക്തസാക്ഷി​യെ, സഹോദരനെ

1946 ഡിസംബര്‍ 20. 
ഭക്ഷണത്തിന് കടുത്ത ക്ഷാമം നേരിടുന്ന കാലം. കരിവെള്ളൂരിലെ പട്ടിണിക്കാരായ ജനങ്ങള്‍ക്ക് അവകാശപ്പെട്ട നെല്ല് ചിറക്കല്‍ രാജയുടെ പത്തായപ്പുരകളിലേക്ക് പൊലീസ് സഹായത്തോടെ കൊണ്ടുപോകാന്‍ തീരുമാനിച്ചു, അത് തടയാന്‍ കര്‍ഷക സംഘവും കമ്യൂണിസ്റ്റ് പാര്‍ട്ടിയും ഇറങ്ങി. തുടര്‍ന്ന് സ്വതന്ത്ര്യസമരസേനാനിയായ എ.വി.കുഞ്ഞമ്പുവിന്റെ നേതൃത്വത്തില്‍ സഖാക്കള്‍ അത് തടഞ്ഞു. പടവിളി കേട്ട കീനേരി കുഞ്ഞമ്പു കിഴക്കേ കുതിരില്‍ പോത്തുകളെ വിട്ട് കുണിയന്‍ പുഴക്കരയിലെ സമരാങ്കണത്തിലേക്ക് ആര്‍ത്തിരമ്പി വരുന്ന പട്ടിണിക്കാരുടെ മാര്‍ച്ചിന്റെ മുന്നണിയിലേക്ക് ഓടിയെത്തി. ലാത്തിച്ചാര്‍ജ്ജും ബയണറ്റ് ചാര്‍ജ്ജും വെടിവെപ്പും. നെറ്റിയില്‍ വെടിയേറ്റ പതിനാറുകാരന്‍ കീനേരി കുഞ്ഞമ്പു പിടഞ്ഞു വീണു. മലബാറിന്റെ മണ്ണിലെ കര്‍ഷകപ്പോരാട്ടത്തിലെ ഏറ്റവും പ്രായം കുറഞ്ഞ രക്തസാക്ഷി. വെടിയും ബയണറ്റുകൊണ്ടുള്ള വെട്ടുമേറ്റ് എ.വി.അടക്കമുള്ളവര്‍ക്ക് ഗുരുതര പരിക്കേറ്റു. 196 പേര്‍ക്കെതിരെ കേസെടുത്തു.

കീനേരി കുഞ്ഞമ്പുവിന്റെ പെങ്ങള്‍ ജാനകി ആ ദിനം ഓര്‍ത്തെടുക്കുന്നു.