മലയാളത്തിലെ ആദ്യ വെബ്സീൻ ‘ട്രൂ കോപ്പി’ പുറത്തിറങ്ങി
മലയാളത്തിലെ ആദ്യ വെബ്‌സീന്‍- ട്രൂ കോപ്പി പുറത്തിറങ്ങി. ആഗോള മലയാളി റീഡര്‍ ക്ലാസിന് ഏറ്റവും നവീനമായ ഉള്ളടക്കവും സാങ്കേതികതയുടെ സൗന്ദര്യവും പ്രാപ്യമാക്കുന്ന ഒരു മീഡിയ പ്ലാറ്റ്‌ഫോമാണ് ട്രൂ കോപ്പി വെബ്‌സീന്‍. സമകാലിക ഇന്ത്യയുടെയും ലോകത്തിന്റെയും രാഷ്ട്രീയം കൃത്യമായി അടയാളപ്പെടുത്തുന്ന വിശകലനങ്ങളും ചിന്തകളും സാഹിത്യവും സയന്‍സും കലാവിചാരവുമാണ് നവംബർ 30ന് ഇറങ്ങിയ ആദ്യ ഇഷ്യൂവിൽ.
എല്ലാ മാറ്ററും വായിക്കുന്നതിനൊപ്പം കേള്‍ക്കുകയും ചെയ്യാം
ഇന്ത്യന്‍ കര്‍ഷകനെ അടിമകളാക്കുന്ന ബ്രിട്ടീഷ് രാജിനെതിരെ ഗാന്ധിയുടെ നേതൃത്വത്തില്‍ ചമ്പാരനില്‍നിന്ന് തുടങ്ങിയ പ്രക്ഷോഭത്തിന്റെ അതേ രാഷ്ട്രീയത്തിന്റെ തുടര്‍ച്ച തന്നെയാണ് ഇപ്പോള്‍ ദല്‍ഹി അതിര്‍ത്തിയില്‍ തമ്പടിച്ചിരിക്കുന്ന കര്‍ഷക പ്രക്ഷോഭകരുടെയും.
ചമ്പാരനില്‍നിന്ന് കൊളുത്തുന്ന പുതിയ കര്‍ഷക സമര ജ്വാല- ബി. രാജീവന്‍
Download Truecopy Webzine
From Play Store | From App Store
ബാബരി മസ്ജിദ് വിധിക്കും അയോധ്യയില്‍ രാമക്ഷേത്ര നിര്‍മാണം തുടങ്ങിയതിനും ശേഷം, ‘തിരുത്തി'ലെ ചുല്യാറ്റ് വീണ്ടു കഥയിലെത്തുന്നു. ഇന്ത്യന്‍ മതേതരത്വത്തിന്റെ പ്രതിസന്ധിയെ, ന്യൂനപക്ഷത്തിന്റെ നിലവിളികളെ അതിഗാഢം രേഖപ്പെടുത്തുന്നു; സന്തോഷ് ഏച്ചിക്കാനത്തിന്റെ കഥ ‘കവണ'.
സ്വന്തം നാട്ടില്‍ അന്യരും അപരിചിതരുമായിപ്പോകുന്നവര്‍ പ്രമേയമായി കെ.ആര്‍. മീരയുടെ നോവല്‍ ‘കലാച്ചി'
Download Truecopy Webzine
From Play Store | From App Store
ഏതുകാലത്തെയും വംശീയാക്രമണങ്ങളെയും അതിന്റെ ഇരകളെയും അടയാളപ്പെടുത്തുന്ന ബംഗാളി കഥ: നബാരുണ്‍ ഭട്ടാചാര്യയുടെ 'ബാപ്പ', അനുരാധ സാരംഗിന്റെ വിവര്‍ത്തനം.
ദല്‍ഹിയില്‍ നടന്നത് മുസ്‌ലിംകള്‍ക്കെതിരെ സംഘടിപ്പിച്ച കലാപമായിരുന്നു.
2020ലെ ഡല്‍ഹി വര്‍ഗീയ കലാപത്തെക്കുറിച്ച് പ്രോഗ്രസ്സീവ് മെഡിക്കോസ് ആന്റ് സയന്റിസ്റ്റ്‌സ് ഫോറത്തിന്റെ ആഭിമുഖ്യത്തില്‍ നടത്തിയ വസ്തുതാന്വേഷണത്തിന്റെ ഞെട്ടിപ്പിക്കുന്ന വെളിപ്പെടുത്തലുകള്‍
പ്രാകൃതിക വിഭവങ്ങളുടെ മൂല്യനിര്‍ണയത്തില്‍ സംഭവിച്ച ഗുരുതര അലംഭാവം വിലയിരുത്തി, രാഷ്ട്രീയ സമ്പദ്ശാസ്ത്ര സിദ്ധാന്തങ്ങളുടെ ഇടപെടല്‍ വിമര്‍ശനാത്മകമായി വിലയിരുത്തുന്നു, കെ. സഹദേവന്‍: പ്രകൃതിവിഭവ മൂല്യനിര്‍ണയത്തില്‍ മുതലാളിത്തം തോല്‍ക്കും, മാര്‍ക്‌സിസമോ?
കേരളത്തില്‍ ഇന്ന് ധാരാളമായി നടക്കുന്ന പരിസ്ഥിതി സമരങ്ങളിലൊന്നിലും ഇടതുപക്ഷം പങ്കാളികള്‍ അല്ലെന്നു മാത്രമല്ല, മിക്കവാറും അധികാരത്തിന്റെയും പരിസ്ഥിതി നാശത്തിന്റെയും പക്ഷത്തുമാണ്. സമൂഹത്തെ ഒരടിയെങ്കിലും മുന്നോട്ടു നയിക്കുവാന്‍ ഈ അധികാരം പ്രയോജനപ്പെടുന്നില്ല- ഫാസിസത്തിനെതിരായി രൂപപ്പെടേണ്ട ഇടതുപക്ഷ മൂവ്‌മെന്റിനെക്കുറിച്ച് കുഞ്ഞുണ്ണി സജീവ്: ഫാസിസത്തെ നേരിടാന്‍ ഇടതുപക്ഷത്തിനുവേണം ഒരു സമരപക്ഷം
മലയാളത്തിനുപുറത്തുള്ള ബാലസാഹിത്യ കൃതികളെ കുട്ടികള്‍ക്കായി പരിചയപ്പെടുത്തുന്ന വേറിട്ടൊരു പംക്തി, നിറയെ ചിത്രങ്ങളും കഥകളും സഹിതം- റൂബിന്‍ ഡിക്രൂസ്: കവിതയാല്‍ സൗഖ്യപ്പെട്ട മീന്‍
ഏറ്റുമുട്ടല്‍ കമാന്‍ഡോ സേനയെ കേരളത്തിന് ആവശ്യമുണ്ടോ?
1970 ഫെബ്രുവരിയില്‍ വര്‍ഗീസ് കൊല്ലപ്പെട്ട ‘ഏറ്റുമുട്ടല്‍' മുതല്‍ 2020 നവംബറില്‍ വേല്‍മുരുകന്‍ കൊല്ലപ്പെട്ട ഏറ്റുമുട്ടല്‍ വരെയുള്ള സംഭവങ്ങളുടെ ഔദ്യോഗിക ഭാഷ്യം സമാനമായിരുന്നു. 'ഏറ്റുമുട്ടലുകള്‍' നടപ്പിലാക്കുന്ന കമാന്‍ഡോകളുടെ സേനയെ കേരളത്തിന് ആവശ്യമാണോയെന്ന ചോദ്യം പൗരസമൂഹം ചോദിക്കേണ്ട കാലമായിരിക്കുന്നു- വ്യാജ ഏറ്റുമുട്ടല്‍ കൊലകളുടെ ഉള്ളറകളിലേക്ക്, കെ.പി. സേതുനാഥ്.
കുടിയേറ്റ മുസ്‌ലിം, പൊളിറ്റിക്കല്‍ ഇസ്‌ലാം, കുടിയേറ്റ മുസ്‌ലിം ജനതയുടെ പ്രതിസന്ധി, ഇസ്‌ലാമോഫോബിയ, സെക്യുലര്‍ ആധുനികത, പൊളിറ്റിക്കല്‍ ഇസ്‌ലാം എന്നീ വ്യവഹാരങ്ങളുടെ ആഗോള ഇടപെടലുകളെക്കുറിച്ച് ദാമോദര്‍ പ്രസാദ് എഴുതുന്നു: ‘തിയോക്രാറ്റിക് ഉട്ടോപ്യക്കെതിരെ സെക്യുലറാനന്തര സാംസ്‌കാരിക രാഷ്ട്രീയം’
ഭാവിയിലേക്കായി ഇതാ, ഒരു കീഴാള പരിപ്രേക്ഷ്യം
പുറന്തള്ളപ്പെട്ടവര്‍ സ്വത്തവകാശം ഒരു അവകാശമായി ഉന്നയിക്കുകയും അതിനായി ഒരു പരിപാടി വളര്‍ത്തിയെടുക്കുകയും വേണം- പ്രമുഖ സാമ്പത്തിക വിദഗ്ധന്‍ എം. കുഞ്ഞാമന്‍ മുന്നോട്ടുവെക്കുന്നു, ഒരു കീഴാള പരിപ്രേക്ഷ്യം- കീഴാളന്റെ അവകാശമാണ് സ്വത്ത്, We Demand It
Download Truecopy Webzine
From Play Store | From App Store
കോവിഡിന്റെയും കോവിഡ് ബാധിച്ച മനുഷ്യരുടെയും ഭാവി
കൊറോണ വൈറസും അനുബന്ധ വൈറസുകളുമായും ബന്ധപ്പെട്ട പരിണാമങ്ങള്‍, രോഗവ്യാപനത്തിന്റെ ഭാവി, കേരളത്തിലെ സാഹചര്യം എന്നിവ ഏറ്റവും പുതിയ ശാസ്ത്രീയവിവരങ്ങളുടെ അടിസ്ഥാനത്തില്‍ വിശകലനം ചെയ്യുന്നു, പ്രമുഖ എപ്പിഡിമിയോളജി വിദഗ്ധന്‍ ഡോ. ജയകൃഷ്ണന്‍ ടി.: കേരളത്തില്‍ കുറേനാള്‍ കൂടി കോവിഡ് തുടരും
സ്വപ്നാടനം, ആദാമിന്റെ വാരിയെല്ല്, ഇരകള്‍
കെ. ജി. ജോര്‍ജ്ജിന്റെ സിനിമകളിലെ കുടുംബം, അധികാരം, ബന്ധങ്ങള്‍ തുടങ്ങിയവ, സ്വപ്നാടനം, ആദാമിന്റെ വാരിയെല്ല്, ഇരകള്‍ എന്നീ സിനിമകളെ അടിസ്ഥാനമാക്കി സാങ്കേതികമായും പ്രമേയപരമായും അവലോകനം ചെയ്യുന്നു, സി.ബി. മോഹന്‍ദാസ്: ‘കുടുംബം, അധികാരം, ന്യൂറോസിസ്സ്: കെ. ജി. ജോര്‍ജ്ജിന്റെ മൂന്നു ചിത്രങ്ങള്‍'
കൂടുതല്‍ ഉയര്‍ന്ന മുലകള്‍ ഉണ്ടായിരുന്നെങ്കില്‍ താനിത്ര ഫെമിനിസ്റ്റാവില്ലായിരുന്നു എന്ന് പറയുന്ന ഫ്‌ളീബാഗില്‍ നിന്നുമാണ് ഫ്‌ളീബാഗ് ഫെമിനിസം എന്ന പുതിയ സംജ്ഞ രൂപപ്പെട്ടുവന്നിരിക്കുന്നത്. മലയാളികളുടെ ശ്രദ്ധ പിടിച്ചുപറ്റിയ വെബ്‌സീരീസിന്റെ വേറിട്ട കാഴ്ച- ലക്ഷ്മി പി. എഴുതുന്നു: ഫ്‌ളീബാഗ്; ആത്മാവില്‍ തുളവീണുപോയവരുടെ ശരീരകഥകള്‍
കേരളീയ ചിത്രകലയില്‍ ഇപ്പോള്‍ സ്ത്രീകള്‍ എന്തുചെയ്യുന്നു?
ഗോപ്യമായിരിക്കേണ്ട ഒന്നായി ശരീരത്തെയും ലൈംഗികതയെയും സ്വത്വത്തെയും കണക്കാക്കാത്ത, ശരീരത്തെ ഒരു political tool ആയി കാണുന്ന, കേരള കലാഭൂപടത്തിലെ പുത്തന്‍ സ്ത്രീ പ്രാതിനിധ്യം അടയാളപ്പെടുത്തപ്പെടുന്നു, ഷിനോജ് ചോറന്‍: 'ഒളിച്ചുവെക്കേണ്ടതില്ല ശരീരം, ലൈംഗികത, സ്വത്വം: സമകാലിക കേരള കലയിലെ പുത്തന്‍ സ്ത്രീ പ്രതിനിധാനങ്ങള്‍'
ഇതാ, ഇന്ദുമേനോന്റെ ആ ‘വിവാദ ഇന്റര്‍വ്യൂ'...
പൂര്‍ണമാക്കാന്‍ ധൈര്യമില്ലാതെ കാത്തുവെച്ചിരുന്ന ആ ‘വിവാദ ഇന്റര്‍വ്യൂ' ഇന്ദുമേനോന്‍ പൂര്‍ത്തിയാക്കുന്നു. പുനത്തില്‍ കുഞ്ഞബ്ദുള്ളയുടെ ജീവിതവുമായുള്ള ഒരു അപൂര്‍വ അഭിമുഖം: ‘എന്റെ വിഷാദവേശ്യകളുടെ ഓര്‍മക്കുറിപ്പുകള്‍
Download Truecopy Webzine
From Play Store | From App Store
നിശ്ശബ്ദതയിലേക്ക് മുങ്ങിപ്പോകുമായിരുന്ന ഒരു കവിയേയും കവിതയേയും വീണ്ടെടുക്കുന്നു. ഗോപാല്‍ ഹൊണ്ണാല്‍ഗരൈ എന്ന കവിയെയും കവിതകളെയും വായിക്കുന്നു, പി.എന്‍. ഗോപീകൃഷ്ണന്‍: കടലിനും മത്സ്യത്തിനും രണ്ട് വാക്കുകള്‍ ഉണ്ടെന്ന് കുട്ടികള്‍ക്കറിയില്ല
ഡാഗ് സോള്‍സ്റ്റ
വായനക്കാരുടെ ജീവിതത്തിലെ രഹസ്യസംഘത്തിലേക്ക് ഈ വര്‍ഷം കടന്നുവന്ന ഒരെഴുത്തുകാരനെ വായിക്കുന്നു, അത് നോര്‍വീജിയന്‍ നോവലിസ്റ്റായ ഡാഗ് സോള്‍സ്റ്റ (Dag Solstad) ആണ്- അജയ് പി. മങ്ങാട്ട് എഴുതുന്നു: 'സ്വന്തം കുട തല്ലിയൊടിച്ച് അതുമായി നനഞ്ഞുപോകുന്ന മനുഷ്യന്‍'
It was like a war, a football war
ഫുട്‌ബോള്‍ എന്ന യുദ്ധകലയിലെ എക്കാലത്തെയും പോരാളി മറഡോണയുടെ കളിയുടെയും ജീവിതത്തിന്റെയും സൗന്ദര്യശാസ്ത്രവും രാഷ്ട്രീയവും രേഖപ്പെടുത്തുന്നു കമല്‍റാം സജീവ്: ‘ഗലിയാനോയുടെയും കുസ്തൂറിക്കയുടെയും മറഡോണ'
ആനന്ദും ബാലചന്ദ്രന്‍ ചുള്ളിക്കാടും
മലയാളത്തിലെ വൈവിധ്യമാര്‍ന്ന തലമുറകളില്‍നിന്ന് നാലു കവിതകള്‍- ആനന്ദ്, ബാലചന്ദ്രന്‍ ചുള്ളിക്കാട്, അലീന, അമ്മു വള്ളിക്കാട്ട്
ഈ ആത്മകഥകളിലുണ്ട്, മലയാളിയുടെ രാഷ്ട്രീയജീവിതം
എഴുകോണ്‍- ഡോ. എ.കെ. ജയശ്രീ
ഞാന്‍ മാത്രമല്ലാത്ത ഞാന്‍- എന്‍. പ്രഭാകരന്‍
സുന്ദര രാമസ്വാമി, കനി കുസൃതി- ഒരു സ്‌ക്രീന്‍ ടെസ്റ്റ്
പ്രമുഖ തമിഴ് എഴുത്തുകാരന്‍ സുന്ദര രാമസ്വാമിയുടെയും നടി കനി കുസൃതിയുടെയും വേറിട്ട ഭാവങ്ങള്‍, പകര്‍ത്തിയത് ഫോട്ടോഗ്രാഫര്‍ എ.ജെ. ജോജി
വെബ്‌സീന്‍ കവര്‍: സൈനുല്‍ ആബിദ്.
ചിത്രീകരണം: സൈനുല്‍ ആബിദ്, മുരളീധരന്‍, ദേവപ്രകാശ്, സുധീഷ് കോട്ടേമ്പ്രം.
ഓഡിയോ: കനി കുസൃതി, വിനീത, രാധാകൃഷ്ണന്‍ പേരാമ്പ്ര.
വായനയുടെ വെബ്‌സീന്‍ സഞ്ചാരം തുടങ്ങാം...
Download Truecopy Webzine
From Play Store | From App Store
Please feel free to contact us if you need any assistance regarding Subscription.
subscription@truecopy.media
Phone: 85900 16742
കെ. സഹദേവന്‍
Jan 13, 2021
7 Minutes Read
ഡോ.സ്മിത പി. കുമാര് / നീതു ദാസ്
Jan 12, 2021
35 Minutes Read
പി.ടി. ജോൺ
Jan 11, 2021
9 Minutes Watch
Truecopy Webzine
Jan 10, 2021
1 Minute Read
Truecopy Webzine
Jan 04, 2021
1 Minute Read
Truecopy Webzine
Jan 04, 2021
1 Minute Read
Truecopy Webzine
Jan 03, 2021
1 Minute Read
പി. കൃഷ്ണപ്രസാദ്
Dec 31, 2020
20 Minutes Read
A. K. Riyaz Mohammed
30 Nov 2020, 06:07 PM
Good looking and totally sumptuous!
Haris Muhammad Kundungara
30 Nov 2020, 05:36 PM
Very Good
പി കെ സതീശ്
1 Dec 2020, 10:41 PM
വളരെ നല്ല ഉദ്യമം. അഭിനന്ദനങ്ങൾ!