‘മോഹനിൽ നിന്ന് മഹാത്മാവിലേക്ക്'; Walk with Gandhi
കുട്ടികൾക്കും പുതിയ തലമുറയ്ക്കും വേണ്ടി ഗാന്ധിയുടെ ജീവിതം പറയുന്നു.
ഗാന്ധി ഒരു കടംകഥയാണോ?
സാധാരണ മനുഷ്യന് പിടികിട്ടാത്ത ഒരു കടംകഥ?
അല്ലെന്ന് അദ്ദേഹത്തിന്റെ ജീവിതം പറയും. മോഹൻദാസ് കരംചന്ദ് ഗാന്ധി എന്ന സാധാരണക്കാരിൽ സാധാരണക്കാരനായ ഒരു മനുഷ്യൻ വിശ്വ ശാന്തിയുടെ പ്രതീകമായി മാറിയതെങ്ങിനെ? വിഗ്രഹവൽക്കരണത്തിൽ നിന്നും കൽപ്പിത കഥകളിൽ നിന്നും അകന്നു മാറി, തുറന്ന പുസ്തകം പോലെയുള്ള ഗാന്ധി ജീവിതത്തിലേക്ക് നോക്കിയാൽ അതിനുള്ള ഉത്തരം കിട്ടും.
ആസക്തികൾക്കും അനാസക്തികൾക്കും ഇടയിൽ പതറിപ്പോയ, "ചുറ്റുമുള്ള ഘോരാന്ധ കാരത്തിൽ തനിക്ക് സത്യത്തെ കാണാൻ കഴിയുന്നില്ലെന്ന്’ വിലപിച്ച, ഒരോ ഇടർച്ചകളിലും വീഴ്ചകളിലും സത്യത്തെ മുറുകെപ്പിടിച്ചു കൊണ്ട് ഉയിർത്തെഴുന്നേൽക്കാൻ നിരന്തരം പരിശ്രമിച്ച ഗാന്ധിയുടെ ജീവിതം കഠിയവാഡിലെ ഒരു ദിവാൻ്റെ മകനിൽ നിന്നും വിശ്വമാനവ പദവിയിലേക്കുള്ള പ്രയാണമായിരുന്നു.
"ഹിമഗിരിയോളം പഴക്കമുള്ള സത്യത്തെക്കുറിച്ചല്ലാതെ’ മറ്റൊന്നും തനിക്ക് ഈ ലോകത്തെ പഠിപ്പിക്കാനില്ലെന്ന്" പറഞ്ഞ ഗാന്ധിയുടെ ജീവിതത്തെ, ജീവിത സംഘർഷങ്ങളെ, മൂല്യങ്ങളെ പുതുതലമുറയ്ക്ക് പരിചയപ്പെടുത്തുന്ന പോഡ്കാസ്റ്റ് കേൾക്കൂ...
ബിന്ദു കൃഷ്ണൻ
Dec 23, 2020
5 Minutes Listening
കെ. എസ്. ഇന്ദുലേഖ
Dec 18, 2020
6 Minutes Read
കെ.വി. മനോജ്
Sep 08, 2020
10 Minutes Read
സജി മാര്‍ക്കോസ്
Aug 13, 2020
14 Minutes Watch
എം.സി.പ്രമോദ് വടകര
6 Dec 2020, 09:20 PM
മോഹനിൽ നിന്ന് മഹാത്മാവിലേക്ക് ഏറെ ശ്രദ്ധേയം. പുതിയ കാലത്ത് ലോകത്തെങ്ങും വീണ്ടും വീണ്ടും ഗാന്ധിജിയെ വായിച്ചു കൊണ്ടിരിക്കുന്നു. സമഗ്ര മേഖലകളെയും സ്പർശിക്കുന്ന ഗാന്ധിയൻ ചിന്തകൾ, പ്രവർത്തനങ്ങൾ ,തുടർച്ചകൾ കാലഘട്ടത്തിൻ്റെ ആവശ്യം.സ്നേഹത്തിൻ്റെയും സത്യത്തിൻ്റെയും അഹിംസയുടെയും സത്യാഗ്രഹത്തിൻ്റെയും ലാളിത്യത്തിൻ്റെയും നിർമ്മാണാത്മക പദ്ധതികളുടെയും ഗാന്ധിയൻ വഴികൾ ഏറെ തെളിച്ചമുള്ളത്.സാമുദായിക സൗഹാർദ്ധത്തിൻ്റെയും അയിത്തോച്ചാടനത്തിൻ്റെയും ദളിത് ഹരിജന ഗിരി ജന പിന്നാക്കാവസ്ഥയിൽപ്പെട്ടവരുടെയും പാവപ്പെട്ടവരിൽ പാവപ്പെട്ടവരുടെയും ഉന്നമനം കാലഘട്ടത്തിൻ്റെ തന്നെ ആവശ്യമാണ്. കർഷകരുടെ തൊഴിലാളികളുടെ സ്ത്രീകളുടെ വിദ്യാർഥികളുടെ ഉന്നമനം പ്രധാനമാണ്. പരിസ്ഥിതി, സുസ്ഥിര വികസന കാഴ്ചപ്പാടുകൾ, സാമൂഹ്യ മാറ്റത്തിനുള്ള പ്രവർത്തനം ഇവയെല്ലാം കാലം ആവശ്യപ്പെടുന്നു.ഇത്തരം ചിന്തകൾ പരിചയപ്പെടുത്താനുള്ള ശ്രമങ്ങൾ ഏറെ അഭിനന്ദനാർഹമാണ്. സന്തോഷം!