പുസ്തകം എന്നെ എടുത്തുയർത്തി, വായന തീരുന്നതുവരെ അതെന്നെ താങ്ങിനിർത്തി...

ദേശീയ വായനാദിനമായ ജൂൺ 19-ന്, റാറ്റ് ബുക്സ് പ്രസിദ്ധീകരിച്ച എ.കെ. ജയശ്രീയുടെ ആത്മകഥ 'എഴുകോൺ' രണ്ടാം പതിപ്പിന്റെ പ്രകാശനവും പുസ്തക ചർച്ചയും സംഘടിപ്പിച്ചു. കോഴിക്കോട് നളന്ദ ഓഡിറ്റോറിയത്തിൽ 'എഴുകോൺ' രണ്ടാം പതിപ്പ് കെ.ഇ.എൻ പ്രകാശനം ചെയ്തു. പുസ്തകചർച്ചയിൽ കെ.ഇ.എൻ, എ.കെ. ജയശ്രീ എന്നിവരെ കൂടാതെ റാറ്റ് ബുക്സ് പ്രസിദ്ധീകരിച്ച ‘വെറും മനുഷ്യർ’ എന്ന ആത്മകഥയെക്കുറിച്ച് മുഹമ്മദ് അബ്ബാസും ‘സറൗണ്ട് സിസ്റ്റം’ എന്ന കഥാസമാഹാത്തെക്കുറിച്ച് ഷഫീഖ് മുസ്തഫയും സംസാരിച്ചു. മനില സി. മോഹൻ മോഡറേറ്ററായിരുന്നു. എഴുത്തുകാരുമായി വായനക്കാർ വായനാനുഭവും പങ്കുവച്ചു.