തിങ്കളാഴ്ച രാവിലെ ആറുമണി വരെ പ്രതീക്ഷിക്കുന്ന മഴ: ഇടുക്കി, കോട്ടയം, പത്തനംതിട്ട ജില്ലകളില്‍ 5 -10 സെ.മീറ്റര്‍ വരെ മഴക്ക് സാധ്യതയുണ്ട്. പമ്പ, മണിമല പുഴകളുടെ തീരത്തുള്ളവര്‍ ഇന്ന് (ഞായറാഴ്ച) രാത്രി അതീവ ജാഗ്രത പുലര്‍ത്തണം. 
പെരിയാര്‍, ചാലക്കുടി പുഴകളിലും ജലനിരപ്പ് ഉയരാന്‍ സാധ്യതയുണ്ട്. ഈ പ്രദേശത്തും ജാഗ്രത വേണം. 
മലപ്പുറം, കോഴിക്കോട്, കണ്ണൂര്‍, വയനാട് ജില്ലകളുടെ പടിഞ്ഞാറുഭാഗത്തും 5- 10 സെ.മീറ്റര്‍ വരെ മഴക്ക് സാധ്യതയുണ്ട്. ചാലിയാര്‍ തീരത്തുള്ളവര്‍ അതീവ ജാഗ്രത പുലര്‍ത്തണം. ഈ ജില്ലകളിലെ മണ്ണിടിച്ചില്‍ സാധ്യത പ്രദേശത്തുനിന്ന് മാറി താമസിക്കേണ്ടതാണ്. 
ആലപ്പുഴ കൊല്ലം തിരുവനന്തപുരം, എറണാകുളം, തൃശൂര്‍, പാലക്കാട് ജില്ലകളില്‍ ഇന്ന് രാത്രി 3-5 സെ.മീറ്റര്‍ വരെ മഴ പ്രതീക്ഷിക്കുന്നു. 
കുട്ടനാട് പോലെ താഴ്ന്ന പ്രദേശങ്ങളില്‍ താമസിക്കുന്നവര്‍ ജാഗ്രത പുലര്‍ത്തണം.

(Weather outlook based on IMD,  IITM,  NCMRWF,  INCOIS, NCEP, ECMWF forecast products prepared by CUSAT)