ആദായനികുതി ഘടന പരിഷ്കരിച്ചു, ആന്ധ്രക്കും ബിഹാറിനും പ്രത്യേക പാക്കേജ്; ബജറ്റ് പ്രഖ്യാപനങ്ങൾ

മൂന്നാം നരേന്ദ്ര മോദി സർക്കാരിന്റെ ആദ്യ സമ്പൂർണ ബജറ്റ് അവതരിപ്പിച്ച് ധനമന്ത്രി നിർമലാ സീതാരാമൻ.

ബിഹാറിനും ആന്ധ്രപ്രദേശിനും നിരവധി പദ്ധതികൾ.

ആന്ധ്രപ്രദേശിന് 15,000 കോടി രൂപയുടെ പ്രത്യേക പാക്കേജ്. ആന്ധ്രയുടെ തലസ്ഥാന വികസനത്തിനും അടിസ്ഥാന സൗകര്യ വികസനത്തിനും തുക വകയിരുത്തി.

ആന്ധ്രയിലെ കർഷകർക്കും പ്രത്യേക ധനസഹായം.

ഹൈദരാബാദ് - ബംഗളൂരു വ്യാവസായിക ഇടനാഴി.

ബിഹാറിൽ റോഡുകൾ നിർമിക്കാൻ 26,000 കോടി രൂപയുടെ പാക്കേജ്.

ബിഹാറിന് പുതിയ വിമാനത്താവളം. 2400 മെഗാവാട്ടിന്റെ ഊർജ പ്ലാന്റിന് 21,400 കോടി രൂപ.

ആദായ നികുതി ഘടനയിൽ സമഗ്ര പരിഷ്കാരം.

ആദായ നികുതി ഇങ്ങനെ: (പുതിയ നികുതി സമ്പ്രദായത്തിൽ)

മൂന്നുലക്ഷം വരെനികുതിയില്ല.
3-7 ലക്ഷം വരെ 5%
7-10 ലക്ഷം വരെ 10%
10-12 ലക്ഷം വരെ15%
12-15 ലക്ഷം വരെ 20%
15 ലക്ഷത്തിന് മുകളിൽ 30%

പുതുതായി ജോലിയിൽ പ്രവേശിക്കുന്നവരുടെ ഒരു മാസത്തെ പി എഫ് വിഹിതം സർക്കാർ നൽകും. പി എഫ് വിഹിതമായാണ് ഈ തുക നൽകുന്നത്.

15000 രൂപ വരെയുള്ള തുക മൂന്ന് തവണകളായി നൽകും.

മാസം ഒരു ലക്ഷം രൂപവരെ ശമ്പളം ലഭിക്കുന്നവർക്കാണ് ഇതിനുള്ള അർഹത.

അടുത്ത രണ്ട് വർഷത്തിനുള്ളിൽ ഒരു കോടി കർഷകരെ ഉൾപെടുത്തിയുള്ള ജൈവകൃഷിക്കായി 10000 ബയോ ഇൻ പുട്ട് റിസോഴ്‌സ് സെന്ററുകൾ സ്ഥാപിക്കും.

സ്വർണത്തിനും വെള്ളിക്കും വില കുറയും.

സ്വർണത്തിന്റെയും വെള്ളിയുടെയും കസ്റ്റംസ് നികുതി 6% ആയി കുറയ്ക്കും.

പ്ലാറ്റിനത്തിന്റെ കസ്റ്റംസ് തീരുവ 6.4 % ആയി കുറയ്ക്കും.

മൊബൈൽ ഫോണുകൾക്കും ചാർജറുകൾക്കും വില കുറയും.

ലെതറുകൾ, തുണികൾ എന്നിവയ്ക്ക് വില കുറയും.

കാൻസറിന്റെ 3 മരുന്നുകളുടെ കസ്റ്റംസ് നികുതി ഒഴിവാക്കി.

പ്രധാനമന്ത്രി ഗരീബ് യോജന അഞ്ചു വർഷത്തേക്ക് കൂടി നീട്ടും.

വിദ്യാഭ്യാസത്തിനും തൊഴിലിനും നൈപുണ്യ വികസനത്തിനും 1.48 ലക്ഷം കോടി രൂപ വകയിരുത്തി.

മുദ്രാ ലോണുകളുടെ പരിധി 10 ലക്ഷത്തിൽ നിന്ന് 20 ലക്ഷമായി വർധിപ്പിച്ചു.

ബിഹാർ, ഹിമാചൽ പ്രദേശ്, അസം, ഉത്തരാഖണ്ഡ്, സിക്കിം എന്നീ സംസ്ഥാനങ്ങൾക്ക് പ്രളയ പ്രതിരോധ ഫണ്ടിനും പുനരധിവാസത്തിനും പ്രത്യേക പാക്കേജ്.

വിദേശ സ്ഥാപനങ്ങൾക്കുള്ള കോർപ്പറേറ്റ് നികുതി 35% ആയി കുറച്ചു.

ജി.ഡി.പിയുടെ 4.9% ധനകമ്മി.

പ്രധാനമന്ത്രി ഗ്രാമ സടക് യോജന പദ്ധതിക്ക് കീഴിൽ 25000 ഗ്രാമീണ മേഖലയിൽ റോഡ് നിർമിക്കും.

രാജ്യത്തെ 500 പ്രധാന സ്ഥാപനങ്ങളിൽ അടുത്ത അഞ്ച് വർഷത്തിനകം ഒരു കോടി യുവാക്കൾക്ക് ഇന്റേൺഷിപ് ചെയ്യാൻ അവസരം നൽകും.

ചെറുകിട ഇടത്തരം മേഖലയ്ക്ക് 100 കോടി രൂപയുടെ ധനസഹായം.

മീൻ തീറ്റ വിലകുറയും.

പ്ലാസ്റ്റിക്കിന് വില കൂടും.