കളി തുടങ്ങുകയാണ്. 48 ടീമുകൾ. 104 മത്സരങ്ങൾ. മലപ്പുറം തൊട്ട് മാഡ്രിഡ് വരെ, ആരാധകരുടെഎണ്ണാൻ പറ്റാത്ത പ്രവചനങ്ങൾ. പ്രശസ്ത അന്താരാഷ്ട്ര ഫുട്ബോൾ അനലിസ്റ്റ് ദിലീപ് പ്രേമചന്ദ്രൻ കളി തീരും വരെ ട്രൂകോപ്പിയിലുണ്ട്.
പെലോത്ത മാജിക്ക! PELOTA MÁGICA - ഒരു ബോളു കൊണ്ട് ഒരു ഗ്രൗണ്ടിൽ നടക്കാനിരിക്കുന്ന ഫുട്ബോൾ മാജിക്കിനെക്കുറിച്ച് ഫുട്ബോൾ ലോകകപ്പ് മത്സരങ്ങൾ തീരും വരെ ദിലീപ്, കമൽറാം സജീവുമായി സംസാരിച്ചുകൊണ്ടേയിരിക്കും. മലയാളത്തിലെ ആഴത്തിലുള്ള ഫുട്ബോൾ വിശകലന പരിപാടി. കളിയുടെ പ്രിവ്യൂ തുടങ്ങുകയാണ്.ഈ എപ്പിസോഡിൽ ബ്രസീലിൻ്റെയും നെതർലാൻഡ്സിൻ്റെയും മെക്സിക്കോയുടെയും സാധ്യതകൾ പരിശോധിക്കുന്നു. R9 ഉം പൗലോ റോസിയും ക്രോയ്ഫും ചർച്ച ചെയ്യപ്പെടുന്നു. ബ്രസീൽ ഫുട്ബോളിൽ ഇനി പ്രതീക്ഷയൊന്നും വേണ്ട എന്നു പറയുന്നവർക്ക് എന്താണ് മറുപടി? (നിങ്ങൾക്കും ചോദിക്കാം! ദിലീപ് മറുപടി പറയും.)
ഫുട്ബോളിൻ്റെ സൗന്ദര്യവും ഫിലോസഫിയും രാഷ്ട്രീയവും ചർച്ച ചെയ്യുന്ന പെലോത്ത മാജിക്കയുടെ ആദ്യ എപ്പിസോഡ്.