സംസ്ഥാനത്ത് വീണ്ടും നിപ മരണം.
മലപ്പുറം പാണ്ടിക്കാട് ചെമ്പ്രശ്ശേരി സ്വദേശിയായ കുട്ടിയാണ് മരിച്ചത്.
ഈ മാസം പത്തിനാണ് കുട്ടിക്ക് പനി ബാധിച്ചത്.
ഇന്നലെയായിരുന്നു നിപ സ്ഥിരീകരിച്ചത്.
കോഴിക്കോട് വൈറോളജി ലാബിൽ നടത്തിയ പരിശോധനയിലും പുണെ വൈറോളജി ഇൻസ്റ്റിറ്റ്യൂട്ടിലെ പരിശോധനയിലുമാണ് കുട്ടിക്ക് നിപ സ്ഥിരീകരിച്ചത്.
കോഴിക്കോട് മെഡിക്കൽ കോളജിൽ ചികിത്സയിലിരിക്കെയാണ് മരണം.
നിരീക്ഷണത്തിലുള്ളവരുടെ സാമ്പിൾ ഫലം ഇന്ന്
സംസ്ഥാനത്ത് ഇത് അഞ്ചാം തവണയാണ് നിപ സ്ഥിരീകരിക്കുന്നത്.
കഴിഞ്ഞ ദിവസം മലപ്പുറത്ത് ആരോഗ്യ വകുപ്പ് പ്രത്യേക കൺട്രോൾ സെൽ തുറന്നിരുന്നു
സമ്പർക്ക പട്ടികയിലുള്ള 246 പേരിൽ 63 പേർ ഹൈറിസ്‌കിൽ
കുട്ടിയെ നേരത്തെ ചികിത്സിച്ച ആശുപത്രിയിലെ ആരോഗ്യപ്രവർത്തകരും നിരീക്ഷണത്തിലാണ്.
ഹൈറിസ്‌ക് പട്ടികയിലുള്ള രോഗ ലക്ഷണമുള്ളവരുടെ സാമ്പിളുകൾ പരിശോധനക്കയക്കും.
കോഴിക്കോട് മെഡിക്കല്‍ കോളജില്‍ മൂന്ന് പേരും മഞ്ചേരി മെഡിക്കല്‍ കോളജില്‍ നാല് പേരും നിരീക്ഷണത്തിലാണ്.
കുട്ടിയുടെ സംസ്‌കാര ചടങ്ങുകള്‍ നിപ പ്രോട്ടോക്കോള്‍ പ്രകാരം.
ആനക്കയം, പാണ്ടിക്കാട് ഗ്രാമപഞ്ചായത്തുകളില്‍ നിയന്ത്രണങ്ങളില്‍ ഏര്‍പ്പെടുത്തി.
