പവിത്രനും ശാരദയും നോമ്പിന് കഞ്ഞിയൊരുക്കുന്ന ഹാജിയാരും

നോമ്പ് കാലത്ത് ഒരു നാടിന് മുഴുവന്‍ കഞ്ഞിവെച്ച് നല്‍കുന്ന ഹാജി കുടുബം, പൊള്ളുന്ന ചൂടില്‍ അടുപ്പൊരുക്കി കഞ്ഞി തയ്യാറാക്കുന്ന ശാരദയും അബ്ദുല്‍ സലാമും, കഞ്ഞി പാത്രങ്ങളിലാക്കി പള്ളികളിലെത്തിക്കുന്ന പവിത്രന്‍, പള്ളിമുറ്റങ്ങളില്‍ നിന്ന് ജാതിമത ഭേദമന്യേ കഞ്ഞിവാങ്ങി വീടുകളിലേക്ക് പോകുന്ന നാട്ടുകാര്‍. കോഴിക്കോട് ജില്ലയിലെ എലത്തൂരില്‍ നിന്നുള്ള ഈ റംസാന്‍ കാഴ്ചയ്ക്ക് പല സൗന്ദര്യ മാനങ്ങളുണ്ട്.