സാദിഖ് കാവിൽ

6 Dec 2020, 07:35 PM

'തിരുത്തി'ൻ്റെ ബാക്കി –––––––––––––––––––– പ്രിയപ്പെട്ട എഴുത്തുകാരൻ എൻ.എസ്.മാധവൻ്റെ 'തിരുത്ത്' എന്ന ചെറുകഥ പണ്ട് വായിച്ചപ്പോൾ ശരീരത്തിലൂടെ ഒരു വൈദ്യുത് സ്പർശം കടന്നുപോയിരുന്നു. മുഖ്യ പത്രാധിപർ ചുല്യാറ്റും സബ് എഡിറ്റർ സുഹ്റയും പകർന്ന നോവ് ആ കഥ ഒാർക്കുമ്പോഴെെല്ലാം ഒരു വിറയൽ സമ്മാനിക്കുന്നു . തിരുത്തിലെ അവസാനത്തെ ഒരൊറ്റ വരിയിലാണ് ആ കഥയുടെ ജീവൻ് പിടഞ്ഞതെന്ന് വായിച്ച സുഹൃത്തുക്കളെല്ലാം പറഞ്ഞിരുന്നു. ഒരു കഥയ്ക്ക് ഇത്രമാത്രം മനുഷ്യ മനസ്സിനെ പിടിച്ചുലയ്ക്കാൻ കഴിയുമോ എന്ന് ആശ്ചര്യം ഇന്നും ബാക്കി. ബാബ് റി മസ്ജിദ് തകർത്തതിന് ശേഷം മനോരമ ഒാണപ്പതിപ്പിലാണ് തിരുത്ത് പ്രസിദ്ധീകരിച്ചത്. അതിൻ്റെ തുടർക്കഥ പോലെ സന്തോഷ് ഏച്ചിക്കാനം ട്രൂ കോപ്പി ഒാൺലൈനിൽ എഴുതിയ 'കവണ' എന്ന കഥ തിരുത്ത് നൽകിയ അതേ വൈദ്യുത് സ്പർശത്തിൻ്റെ പൊള്ളൽ ഹൃദയത്തിൽ പകർന്നിരിക്കുന്നു. ചുല്യാറ്റും സുഹ്റയും കൂടി കഥാപാത്രങ്ങളാകുന്ന കവണ ബാബ് റി പള്ളി തകർത്തതിൻ്റെ തുടർക്കഥയാണ് പറയുന്നത്. അലഹബാദ് ഹൈക്കോടതി വിധി വന്ന പശ്ചാത്തലത്തിൽ നടക്കുന്ന സംഭവ വികാസങ്ങൾ സന്തോഷിൻ്റെ കഥകളില്‍(ഉദാ: കൊമാല , പന്തിഭോജനം, ബിരിയാണി etc) സ്ഥിരം കണ്ടുവരുന്ന രാഷ്ട്രീയ നിലപാടിൻ്റെ ശക്തമായ ആവിഷ്കാരമാണ്. എൻ.എസ്. പിന്നീടൊരിക്കൽ മനോരമ ഒാൺലൈനിൽ തിരുത്തിനെക്കുറിച്ചെഴുതി: ''ഇരുപത്തിയാറു വർഷങ്ങൾക്കു മുൻപ് എന്റെ കഥ ‘തിരുത്ത്’ മലയാള മനോരമ ഓണപ്പതിപ്പിൽ അച്ചടിച്ചുവന്ന കാലത്ത് ഞാനടക്കമുള്ള പലരുടെയും മനഃസ്ഥിതി, ഇറ്റാലിയൻ തത്വചിന്തകൻ അന്റോണിയോ ഗ്രാംഷി ജയിലിൽനിന്ന് അയച്ച കത്തിലെ പ്രസിദ്ധമായ വാചകത്തെ ഓർമിപ്പിക്കുന്നതായിരുന്നു: ‘എന്റെ ബുദ്ധി എന്നെ നിരാശാവാദിയാക്കുന്നു; എന്റെ മനക്കരുത്ത് എനിക്കു ശുഭാപ്തിവിശ്വാസം നൽകുന്നു.’ ‘തിരുത്ത്’ പള്ളി പൊളിക്കുന്ന രാത്രി നടന്ന കഥയാണ്. പ്രധാന കഥാപാത്രം ഒരു പത്രത്തിന്റെ മുഖ്യ പത്രാധിപരായിരുന്നു. അദ്ദേഹത്തിന്റെ മാനസികാവസ്ഥ ഏതാണ്ട് ഗ്രാംഷിയുടെ ഉദ്ധരണിയിൽ പറഞ്ഞതു പോലെയായിരുന്നു. വളർന്നുവരുന്ന ഹിന്ദുത്വ രാഷ്ട്രീയത്തെ മുഷിപ്പിക്കാതിരിക്കാനും നിഷ്പക്ഷതയുടെ മൂടുപടം അണിയാനും അന്നത്തെ കാലത്തു മാധ്യമങ്ങൾ കണ്ടെത്തിയ പദമായിരുന്നു തർക്കമന്ദിരം. ഈ പത്രാധിപർ, മുഖ്യ വാർത്തയിലെ തലക്കെട്ടിൽനിന്ന് ആ വാക്കു വെട്ടിമാറ്റുകയും ബാബറി മസ്ജിദ് എന്നെഴുതുകയും ചെയ്യുന്നതാണു കഥ. അടുത്ത കാലത്ത് ചിലരുടെ ഭാഗത്ത് നിന്ന് അനാവശ്യ പഴികൾ കേൾക്കേണ്ടി വന്ന സന്തോഷിൻ്റെ കവണ ബാബ്റി പള്ളി പൊളിക്കാൻ പോയ ബന്ധുക്കളിലൂടെ സഞ്ചരിച്ച് ചുല്യാറ്റിലേയ്ക്കും വർത്തമാനകാല അയോധ്യയിലേയ്ക്കും എത്തിച്ചേരുന്നു. ''െഎഎഎസ് പരീക്ഷയിൽ ഇൻ്റർവ്യൂ വരെ എത്തി എന്നൊക്കെ കേൾക്കുമ്പോൾ താത്പര്യജനകമായ ചെറിയൊരു നോട്ടമെങ്കിലും അദ്ദേഹം എൻ്റെ മേൽ ചൊരിയുമെന്ന് പ്രതീക്ഷിച്ചെങ്കിലും അതൊക്കെ അസ്ഥാനത്താക്കും വിധം ചുല്യാറ്റ് ടിഷ്യു പേപ്പർ എടുത്ത് പൈപ്പിൻ്റെ അറ്റത്തെ നനവ് തുടച്ചുകൊണ്ടിരുന്നു. കോഫി വന്നപ്പോൾ അദ്ദേഹം ചോദിച്ചു: നാട്ടിൽ നിങ്ങൾക്ക് സ്ഥലമുണ്ടോ? നാലഞ്ച് ഏക്കർ കാണും–ഇൗ ചോദ്യത്തിൻ്റെ ഉദ്ദേശ്യം പിടികിട്ടിയില്ലെങ്കിലും ഞാൻ പറഞ്ഞു. കൃഷിയുണ്ടോ?– അതാ വരുന്നു അടുത്ത ചോദ്യം. ഉവ്വ്–ഞാൻ തലയാട്ടി– നെൽകൃഷിയാണ്. ഉഴാൻ അറിയാമോ? ചെറുതായിട്ട്–ഞാൻ പറഞ്ഞു. മിസ്റ്റർ ശിവപ്രസാദ്, ഇവി‌ടെ ഡൽഹീലും യുപിയിലുമൊക്കെ നല്ല ഒന്നാന്തരം ഉഴവുകാരുണ്ട്. നുകത്തിൽ കാളയ്ക്ക് പകരം െഎഎഎസ്സുകാരെ കെട്ടിവച്ചുകൊണ്ടാണ് അവർ നാടിനെ ഉഴുതു മറിക്കുന്നത്.. ചുല്യാറ്റ് കോഫിയിൽ നിന്ന് മുഖമുയർത്തി എന്നെ നോക്കി. വെറുമൊരു കാളയാവാൻ വേണ്ടി ഇത്രയൊന്നും പഠിക്കണമെന്നില്ല. എൻ്റെ നേരെ ഹസ്തദാനത്തിനായി കൈ നീട്ടിക്കൊണ്ട് അദ്ദേഹം പറഞ്ഞു. ഞാൻ ഒാർമപ്പെ‌ടുത്തി എന്നേയുള്ളൂ.. ആൾ ദ് ബെസ്റ്റ്.. കൊടും തണുപ്പിലും ‌ആ കൈക്ക് നൂറ്റി മൂന്ന് ഡിഗ്രി ചൂടുണ്ടായിരുന്നു ('കവണ'യിൽ നിന്ന്- TRUE COPY WEBZINE) നന്ദി, പ്രിയ സന്തോഷ്... ചുല്യാറ്റിനെ വീണ്ടും മുന്നിൽക്കൊണ്ടു വന്ന് നിർത്തിയതിന്. ഇടിമുഴക്കത്തിൻ്റെ ഘനമുള്ള ആ ഒച്ച കേൾപ്പിച്ചതിന്... ആദിമദ്യാന്തം വായനയ്ക്ക് പ്രേരിപ്പിക്കുന്ന ഒരു കഥ കൂടി തന്നതിന്. കഥയിലൂടെ രാഷ്ട്രീയ ഇടപെടൽ ഒാർമിപ്പിച്ചതിന്.

Rafeek ravuther

5 Dec 2020, 08:15 AM

പ്രിയ റഫീക്, നന്ദി, ഈ ഓർമപ്പെടുത്തൽ നടത്തിയതിന്..സന്തോഷിന് ആവേശം പകരുന്ന ഈ രേഖപെടുത്തലുകൾക്ക്...

Sunitha mepurath

4 Dec 2020, 10:28 PM

“Are u a communist? No, I’m an anti- fascist How long? Since I realised what’s fascism.“.... Hemingway