ഏഴ് സംസ്ഥാനങ്ങളിൽ നിയമസഭാ ഉപതെരഞ്ഞെടുപ്പ്:
13 സീറ്റിൽ 11-ലും 'ഇന്ത്യ' സഖ്യത്തിന് മുന്നേറ്റം

ബിഹാർ, പശ്ചിമ ബംഗാൾ, തമിഴ്‌നാട്, മധ്യപ്രദേശ്, ഉത്തരാഖണ്ഡ്, പഞ്ചാബ്, ഹിമാചൽപ്രദേശ് എന്നീ സംസ്ഥാനങ്ങളിൽ നടന്ന നിയമസഭാ ഉപതെരഞ്ഞെടുപ്പുകളിൽ, 'ഇന്ത്യ' സഖ്യത്തിൽ പെട്ട പ്രതിപക്ഷ പാർട്ടികൾ മുന്നിൽ.

13 സീറ്റിൽ 11 ഇടത്തും കോൺഗ്രസ്, ആപ്പ്, ടി.എം.സി, ഡി.എം.കെ പാർട്ടികൾ മുന്നേറുന്നു. എൻ.ഡി.എ രണ്ടിടത്തു മാത്രം.

പഞ്ചാബിലെ ജലന്ധർ വെസ്റ്റിൽ ആപ്പിന്റെ മൊഹീന്ദർ ഭഗത്ത് 37,000ലേറെ വോട്ടിന്റെ ഭൂരിപക്ഷത്തിന് ബി.ജെ.പി സ്ഥാനാർഥിയെ തോൽപ്പിച്ചു.

ഹിമാചൽ​ പ്രദേശിലെ ദെഹ്റയിൽ കോൺഗ്രസിലെ കമലേഷ് താക്കൂറിന് ജയം.

ഹിമാചൽ പ്രദേശിലെ ഹാമിർപുരിൽ ബി.ജെ.പിയും ബിഹാറിലെ രുപൗലിയിൽ ജെ.ഡി-യുവും മുന്നിൽ.

13 നിയമസഭാ സീറ്റുകളിലേക്ക് ജൂലൈ പത്തിനായിരുന്നു ഉപതെരഞ്ഞെടുപ്പ്.

ഉപതെരഞ്ഞെടുപ്പു നടന്ന 13-ൽ ബി.ജെ.പി, കോൺഗ്രസ്, ടി.എം.സി എന്നിവക്ക് രണ്ടു വീതവും ബി.എസ്.പി, ജെ.ഡി-യു, ഡി.എം.കെ, ആം ആദ്മി പാർട്ടികൾക്ക് ഒന്നു വീതം സീറ്റുമാണ് ഉണ്ടായിരുന്നത്. ബാക്കി മൂന്നു സീറ്റിൽ സ്വതന്ത്ര എം.എൽ.എമാരായിരുന്നു.

പശ്ചിമ ബം​ഗാളിലെ മണിക്തലയിൽ ദേശീയ ഫുട്ബോൾ ഫെഡറേഷൻ പ്രസിഡൻറ് കല്യാൺ ചൗബേ പതിനൊന്നായിരത്തിലധികം വോട്ടിന് പിന്നിൽ.

പശ്ചിമ ബംഗാളിൽ നാലിടത്ത് ടി എം സി മുന്നിൽ, മൂന്നിടത്ത് പതിനായിരത്തിലേറെ വോട്ടിനാണ് മുന്നേറ്റം.

ഹിമാചൽപ്രദേശിലെ മൂന്നിടത്തും ഉത്തരാഖണ്ഡിലെ രണ്ടിടത്തും കോൺഗ്രസ് മുന്നിൽ.

തമിഴ്നാട്ടിലെ വിക്രംമാണ്ടിയിൽ ഡി എം കെ മുന്നിൽ.

13 സീറ്റുകളിലെ ലീഡു നില:

Rupauli-Bihar: JDU
Amarwara-Madhya Pradesh: BJP

Himachal Pradesh:
Dehra: Congress- കമലേഷ് താക്കൂർ ജയിച്ചു.
Nalagarh: Congress
Hamirpur: Congress

Uttarakhand:
Badrinath: Congress
Manglaur: Congress

Jalandhar West-Punjab: AAP- മൊഹീന്ദർ ഭഗത്ത് 37,000ലേറെ വോട്ടിന്റെ ഭൂരിപക്ഷത്തിന് ബി.ജെ.പി സ്ഥാനാർഥിയെ തോൽപ്പിച്ചു.

Vikravandi-TN: DMK.

West Bengal:
Raiganj: TMC
Ranaghat Dakshin: TMC
Bagda: TMC
Maniktala: TMC.