‘സനാതനികളുടെ ഹിന്ദുത്വ വഴികൾ' എന്ന ബെസ്റ്റ് സെല്ലറിലൂടെ കേരളത്തിലെ ഹിന്ദുത്വ വർഗീയതയുടെ ചരിത്രവും വർത്തമാനവും അന്വേഷിക്കുകയാണ് പ്രമുഖ സി പി എം നേതാവായ പി.ജയരാജൻ. മതവിശ്വാസികളോട് സി പി എം പുലർത്തിയ നയങ്ങളിൽ എന്തെങ്കിലും തെറ്റുപറ്റിയോ? കഴിഞ്ഞ നിയമസഭാ തെരഞ്ഞെടുപ്പിൽ പാർട്ടി പ്രകടിപ്പിച്ചതായി വിമർശിക്കപ്പെടുന്ന മുസ്ലിം വിരുദ്ധതയെന്ന ആരോപണത്തിൻ്റെ യാഥാർഥ്യമെന്ത്? എന്താണ് പി.ജയരാജൻ്റെ മതവിശ്വാസം?
പുസ്തകത്തെക്കുറിച്ചുള്ള ചോദ്യങ്ങൾക്കൊപ്പം ഇത്തരം ചോദ്യങ്ങൾക്കു കൂടി ഉത്തരം പറയുകയാണ് പി.ജയരാജൻ, കമൽറാം സജീവുമായുള്ള ഈ ദീർഘ സംഭാഷണത്തിൽ.