അർജുന് വേണ്ടിയുള്ള തിരച്ചിലിനായി സൈന്യം എത്തി, പ്രതീക്ഷയോടെ കുടുംബം

ഗംഗാവാലി പുഴയിലും തിരച്ചില്‍ നടത്താന്‍ തീരുമാനം.

റോഡില്‍ ഇനി തിരച്ചില്‍ തുടര്‍ന്നേക്കില്ല.

രക്ഷാപ്രവര്‍ത്തനത്തില്‍ കാലതാമസമുണ്ടായില്ലെന്നും രക്ഷാപ്രവര്‍ത്തനം ദുഷ്‌കരമാണെന്നും കര്‍ണാടക മുഖ്യമന്ത്രി സിദ്ധരാമയ്യ.

ഷിരൂരില്‍ കനത്ത മഴ തുടരുന്നു. ഇനിയും മണ്ണിടിയാന്‍ സാധ്യതയുള്ളതിനാല്‍ രക്ഷാദൗത്യം അതീവ ദുഷ്‌കരം.

കർണാടക മുഖ്യമന്ത്രി സിദ്ധരാമയ്യ ഷിരൂരിലെത്തി

രക്ഷാപ്രവർത്തനത്തിനായി ബൽഗാമിൽ നിന്നുള്ള സൈന്യം എത്തി

ബൽഗാമിൽ നിന്നുള്ള 40 അംഗ കരസേന യൂണിറ്റാണ് എത്തിയത്

കർണാടകയിലെ അങ്കോളയിലുണ്ടായ മണ്ണിടിച്ചിലിൽ കുടുങ്ങിയ അർജുന് വേണ്ടിയുള്ള തിരച്ചിൽ ആറാം നാളിലേക്ക്.

തിരച്ചിലിന് ഐ.എസ്.ആർ.ഒ യുടെ സാങ്കേതിക സഹായവും തേടിയിട്ടുണ്ട്.

മണ്ണിടിഞ്ഞ സ്ഥലത്ത് ആറു മീറ്റർ താഴെ ലോഹഭാഗത്തിന്റെ സാന്നിധ്യം റഡാറിൽ പതിഞ്ഞ സ്ഥലം കേന്ദ്രീകരിച്ചുള്ള തെരച്ചിലാണ് ഇപ്പോൾ നടത്തുന്നത്

രക്ഷാപ്രവർത്തനത്തിന് കൂടുതൽ സംവിധാനങ്ങൾ എത്തിച്ചിട്ടുണ്ട്. രണ്ടോ മൂന്നോ ലോറികൾ മാത്രമായിരുന്നു ശനിയാഴ്ച ഉണ്ടായിരുന്നത്.

കേരളത്തിൽനിന്നുള്ള ശക്തമായ സമ്മർദ്ദമാണ് രക്ഷാപ്രവർത്തനത്തിന്റെ വേ​ഗം കൂട്ടിയത്

രക്ഷാപ്രവർത്തനം ഇന്ന് രാവിലെ 6.30 ന് പുനഃരാരംഭിക്കുമെന്നാണ് അറിയിച്ചിരുന്നതെങ്കിലും കനത്ത മഴയെ തുടർന്ന് ഇന്ന് രാവിലെയുള്ള രക്ഷാപ്രവർത്തനവും വൈകി.

രക്ഷാപ്രവർത്തനത്തിന് വെല്ലുവിളിയായി ഷിരൂരിൽ കനത്ത കാറ്റും മഴയും തുടരുന്നു.

മഴ പെയ്യുന്നതിനാൽ പ്രദേശത്ത് മണ്ണിടിച്ചിൽ ഭീഷണി ഉണ്ട്.

ഒരു മണിക്കൂറിനുള്ളിൽ മണ്ണ് മാറ്റി തീരുമെന്ന് അങ്കോല എം എൽ എ.

രക്ഷാപ്രവർത്തനത്തിന്റെ തുടക്കത്തിൽ വലിയ അലംഭാവം ഉണ്ടായെന്ന് ബന്ധുക്കൾ

രക്ഷാപ്രവർത്തനം വേഗത്തിലാക്കണമെന്ന ആവശ്യവുമായി നാട്ടുകാരുടെ പ്രതിഷേധം.