പി.ജെ. ആന്റണി
ജീവിതപങ്കാളി മേരി ആന്റണിയ്ക്ക്
എഴുതിയ അവസാന കത്ത്

ഭരത് പി.ജെ. ആന്റണി, ജീവിതപങ്കാളി മേരി ആന്റണിയ്ക്ക് എഴുതിയ അവസാന കത്ത്, ‘ പ്രിയപ്പെട്ട മേരീ’ എന്ന് അഭിസംബോധന ചെയ്താണ് എഴുതിയിട്ടുള്ളത്. വയറിന് സുഖമില്ലാതെ ക്ഷീണ​ത്തി​ലാ​യ​തും പി​ന്നീ​ട് ക്ഷീ​ണം മാ​റി പ​ഴ​യ​തു​പോ​ലെയാ​യ​തും ക​ത്തി​ൽ വ്യ​ക്ത​മാ​ക്കു​ന്നു​ണ്ട്. ഒ​പ്പം മ​ദ്രാ​സി​ലെ താ​ൽ​ക്കാ​ലി​ക വി​ലാ​സ​വും ന​ൽ​കി​യി​രി​ക്കു​ന്നു.

‘‘മണ്ണിന്റെ മാ​റി​ൽ’ ഡ​ബ്ബി​ങ് ക​ഴി​യു​മ്പോ​ൾ ഈ ​അ​ഡ്ര​സ് മാ​റും. ഡ​ബ്ബി​ങ് ര​ണ്ടോ മൂ​ന്നോ ദി​വ​സ​ത്തേ​ക്കേ ഉ​ണ്ടാ​കൂ. സി​നി​മ പ​റ​യു​ന്ന​തു പോ​ലെ ന​ട​ക്ക​ണ​മെ​ന്നി​ല്ല​ല്ലോ’’ എ​ന്നു പ​റ​ഞ്ഞാ​ണ് ക​ത്ത് അ​വ​സാ​നി​ക്കു​ന്ന​ത്.

പി.​എ. ബ​ക്ക​റി‍ന്റെ ‘മണ്ണിന്റെ മാറിൽ’ ആ​യി​രു​ന്നു ആ മഹാപ്ര​തി​ഭ​യു​ടെ അ​വ​സാ​ന സി​നി​മ. ഈ ​സി​നി​മ​യു​ടെ ഡ​ബ്ബി​ങ് വേ​ള​യി​ലാ​യി​രു​ന്നു അ​ദ്ദേ​ഹ​ത്തിന്റെ അ​ന്ത്യം. 1979 മാ​ർ​ച്ച് 11ന് ​അ​യ​ച്ച ക​ത്ത് അ​ദ്ദേ​ഹ​ത്തി‍ന്റെ മ​ര​ണ​ശേ​ഷ​മാ​ണ് വീ​ട്ടി​ൽ കി​ട്ടു​ന്ന​ത്.

മേരി ആന്റണിയും ഈ ലോകത്തോട് വിട പറഞ്ഞു. പി.ജെ. ആന്റണിയുടെ നാടകത്തിലെ നായികയായും പിന്നെ കാമുകിയായും പത്നിയായും മേരി ആന്റണി ഉണ്ടായിരുന്നു. ഇല്ലായ്മകൾക്കും വല്ലായ്മകൾക്കുമൊപ്പം. പി.ജെ.ആന്റണിയുടെ വേർപാടിനു ശേഷം രണ്ട് മക്കളുമായി മേരി ആന്റണി നയിച്ച ജീവിതം പി.ജെ.ആന്റണിയുടെ ഏത് കൃതിയെക്കാളും മഹത്തരമാണ്. പി.ജെ. ആന്റണിയുടെ അവസാന കത്ത് മകൾ അഡ്വ. എലിസബത്ത് ആന്റണി ഒരു വലിയ സമ്പാദ്യമായി സൂക്ഷിച്ചുവരുന്നു.

പി.ജെ. ആന്റണി എഴുതിയ കത്തിൻെറ പൂർണരൂപം:

Madras
11-3-79.

പ്രിയപ്പെട്ട മേരീ,

ഞാൻ ഇന്ന് പതിനൊന്ന് മണിയോടുകൂടി കുഴപ്പമൊന്നും കൂടാതെ ഇവിടെയെത്തിച്ചേർന്നു. അവിടെ നിന്നു പുറപ്പെട്ടതിനുശേഷം വയറ്റിൽ നിന്നു പോകണമെന്നു തോന്നിയിട്ടുപോലുമില്ല. രാവിലെ വരെ ക്ഷീണമുണ്ടായിരുന്നു. ഇപ്പോൾ അൽപം പോലും ക്ഷീണമില്ല. പഴയത് പോലെ തന്നെ തോന്നുന്നു. ഈ വിവരമറിയിക്കാൻ വേണ്ടി മാത്രമാണ് ഇതെഴുതുന്നത്.

P.J. Antony
Room No:9,
AVC Boarding and Lodging,
96, General Patters Road,
Madras - 2.

മണ്ണിൻെറ മാറിൽ ഡബ്ബിങ് കഴിയുമ്പോൾ ഈ അഡ്രസ് മാറും. ഡബ്ബിങ് രണ്ടോ മൂന്നോ ദിവസത്തേക്കേ ഉണ്ടാകുകയുള്ളൂ എന്ന് പറയുന്നു. സിനിമ പറയുന്നതുപോലെ നടക്കണമെന്നില്ലല്ലോ…