ട്രൂകോപ്പി തിങ്ക് നിര്‍മിച്ച 'തൊഗാരി' എന്ന ഡോക്യുമെന്ററി 15-ാമത് ഇന്റര്‍നാഷനല്‍ ഡോക്യുമെന്ററി ആന്റ് ഷോര്‍ട്ട് ഫിലിം ഫെസ്റ്റിവല്‍ ഓഫ് കേരള (ഐ.ഡി.എസ്.എഫ്.എഫ്.കെ) യിലെ മത്സരേതര വിഭാഗത്തിലേക്ക് തെരഞ്ഞെടുക്കപ്പെട്ടു. ട്രൂകോപ്പി തിങ്ക് പ്രിൻസിപ്പൽ കറസ്പോണ്ടൻറായിരുന്ന ഷഫീക്ക് താമരശ്ശേരിയാണ് 'തൊഗാരി' സംവിധാനം ചെയ്തത്. അഗസ്ത്യ സൂര്യയാണ് ക്യാമറ. എഡിറ്റിംഗ് മര്‍ഷൂഖ് ബാനു.
വടക്കാഞ്ചേരി ഗവ. മോഡല്‍ റസിഡന്‍ഷ്യല്‍ സ്‌കൂളിലെ കുട്ടികളുടെ ചിത്രകലാ ജീവിതത്തെക്കുറിച്ചുള്ള ആഖ്യാനമാണ് ഈ ഡോക്യുമെന്ററി. കൊച്ചി ബിനാലേ അടക്കമുള്ള വേദികളില്‍ ചിത്രങ്ങള്‍ പ്രദര്‍ശിപ്പിച്ചിട്ടുള്ള ഈ വിദ്യാർഥികളും ആര്‍ട്ട് അധ്യാപിക പ്രിയയും തമ്മിലുള്ള ഹൃദയാവർജകമായ ബന്ധത്തിന്റെ കഥ കൂടിയാണ് ‘തൊഗാരി.’
