എന്റെ ലൈബ്രറി

പോയ വർഷം അലമാറയിൽ വെച്ച പുസ്തകങ്ങൾ അവിടെത്തന്നെയുണ്ട്
പക്ഷേ വാക്കുകളെല്ലാം മരിച്ചിരിക്കുന്നു.
എന്റെ ഏറ്റവും പ്രിയപ്പെട്ട പുസ്തകം ഞാൻ തിരഞ്ഞു,
Out of Place*.
ഒരു വലിപ്പിൽ അത് ഒറ്റപ്പെട്ടു കിടക്കുന്നു,
ഫോട്ടോ ആൽബത്തിനും എന്റെ പഴയ നോക്കിയ ഫോണിനുമടുത്ത്.
പുസ്തകത്തിനുള്ളിലെ പേനയ്ക്ക് കേടൊന്നുമില്ല,
കുറച്ച് മഷിത്തുള്ളികൾ ചോർന്നിട്ടുണ്ട്.
ഒരു ഡസൻ രോഗികൾക്ക്
വെൻറിലേറ്റർ പോലെ, പേന.
ചില വാക്കുകൾ ആ മഷി ശ്വസിക്കുന്നു:
വീട്, ജെറൂസലേം, കടൽ, ഹൈഫ,
പാറ, ഓറഞ്ചുകൾ, മണൽ,
പ്രാവ്, കയ്റോ, എൻറെ ഉമ്മ,
ബെയ്റൂത്, പുസ്തകങ്ങൾ, പാറ, കടൽ, കടൽ‍.

(*Out of Place – എഡ്വർഡ് സയിദിന്റെ ആത്മകഥ).