കവിതയാല്‍ സൗഖ്യപ്പെട്ട മീന്‍:
ഇതാ, വേറിട്ടൊരു
കുട്ടിപ്പുസ്തകലോകം

കവിതയാല്‍ സൗഖ്യപ്പെട്ട മീന്‍: ഇതാ, വേറിട്ടൊരു കുട്ടിപ്പുസ്തകലോകം

മലയാള ലോകത്തിനു പുറത്തുള്ള ബാലസാഹിത്യത്തെ പരിചയപ്പെടുത്താൻ ട്രൂ കോപ്പി വെബ്സീനിൽ പുതിയ പംക്തി തുടങ്ങുന്നു. ഇന്ത്യയിലെയും വിദേശത്തെയും ഏറ്റവും പുതിയ ബാലസാഹിത്യകൃതികളെ പരിചയപ്പെടുത്തുന്നത് നാഷണൽ ബുക്ക് ട്രസ്റ്റിന്റെ മലയാളം എഡിറ്ററും കേരള ബാലസാഹിത്യ ഇൻസ്റ്റിറ്റ്യൂട്ട് മുൻ ഡയറക്ടറുമായ റൂബിൻ ഡിക്രൂസ്

2 Dec 2020, 09:17 AM

Truecopy Webzine

കവിതയെന്നു വച്ചാല്‍
ആകാശം നിങ്ങളുടെ വായ്ക്കുള്ളിലായിരിക്കുന്നതാണ്
പുത്തന്‍ റൊട്ടി പോലെ ചൂടുള്ളതാണ്.
നിങ്ങളതു കഴിച്ചാലും അല്പം അവശേഷിക്കും.
ഒരു കവിതയെന്നാല്‍
നിങ്ങള്‍ ഒരു കല്ലിന്റെ ഹൃദയം മിടിക്കുന്നത് കേള്‍ക്കുമ്പോഴുള്ളതാണ്.
ഒരു പക്ഷി അതിന്റെ ചിറകു വീശുന്നതാണ്.
ഒരു കൂട്ടില്‍ പാടുന്ന പാട്ടാണ്.
ഒരു കവിത വാക്കുകളെ കീഴ്‌മേലിടുന്നതാണ്.
അപ്പോള്‍ അതാ ആ വാക്ക് പുതിയതാവുന്നു.

കവിതയാല്‍ സൗഖ്യപ്പെട്ട മീന്‍

ജീന്‍ പിയറി സൈമണിന്റെ This is a Poem that Heals Fish, പാറോ ആനന്ദിന്റെ Nomads Land എന്നീ കൃതികളെ പരിചയപ്പെടുത്തുന്നു.

റൂബിൻ ഡിക്രൂസ്

കവിതയാല്‍ സൗഖ്യപ്പെട്ട ഒരു മീനിന്റെ കഥയാണ് This is a Poem that Heals Fish. കുട്ടികളോട് കവിതയെന്താണെന്നു പറഞ്ഞു കൊടുക്കുന്ന പുസ്തകം. എന്താണ് കവിതയെന്ന് കവികളൊക്കെയും പറഞ്ഞിട്ടുണ്ട്. പക്ഷേ, പ്രതിഭാശാലിയായ ഒരാള്‍ പാഠപുസ്തകശൈലിയിലല്ലാതെ എന്താണു കവിതയെന്നു കുട്ടികളോടു പറയുന്ന വേറിട്ടൊരു പുസ്തകം. നിറയെ കുട്ടിത്തം നിറഞ്ഞ വരയും പാട്ടും വർത്തമാനങ്ങളുമുള്ള ഒരു കുട്ടിപ്പുസ്തകത്തെ സരസമായി അവതരിപ്പിക്കുന്നു, കുട്ടികൾക്കും മുതിർന്നവർക്കുമായി...

വായിക്കാം, കേൾക്കാം ട്രൂ കോപ്പി വെബ്സീനിൽ