സൂര്യനെല്ലി മുതൽ വാളയാർ വരെയുള്ള ലൈംഗികാക്രമണക്കേസുകളിൽ പ്രതികളും വാദികളും ഇരകളും കേസിൽ വിധി പറഞ്ഞ ജഡ്ജിയും പോസ്റ്റുമോർട്ടം ചെയ്ത ഡോക്ടറും അടക്കമുള്ളവർ ദുരൂഹസാഹചര്യത്തിൽ മരിക്കുന്നു. കേസിലെ നിർണായക കണ്ണികളുടെ ജീവൻ അപകടത്തിലാകുന്ന സാഹചര്യം നിലനിൽക്കുന്നു. അതുകൊണ്ടുതന്നെ ഇത് ലൈംഗിക കച്ചവടം മാത്രമല്ലെന്നും അതിലും വലിയ കച്ചവടമാണെന്നും അതിലും വലിയ കച്ചവടക്കാരെ സംരക്ഷിക്കാൻ നടത്തുന്ന അഴിമതിയാണ് എന്നും അതുകൊണ്ടാണ് ആര് ഭരിക്കുമ്പോഴും ഒരു പ്രതി പോലും മാതൃകാപരമായി ശിക്ഷിക്കപ്പെടാത്തത് എന്നും തിരിച്ചറിയേണ്ടിയിരിക്കുന്നു
