In ആയിക്കഴിഞ്ഞാൽ പിന്നെ ഭയങ്കര ത്രില്ലാണ്-അതാണ് ‘മോഹിനിയാട്ടം’ എന്ന സിനിമ നൽകുന്ന ആദ്യ അനുഭവം. ഡാർക്ക് ഹ്യൂമറിന്റെ ശക്തമായ അവതരണവുമായി രണ്ടാം വരവ് ഒരു യഥാർത്ഥ തിരിച്ചുവരവായി മാറുന്നു. കൃഷ്ണദാസ് മുരളിയുടെ സംവിധാനത്തിൽ എത്തിയ മോഹിനിയാട്ടം ഈ തവണ കഥ പറയുന്നത് ഒരു ഡാർക്ക് ഹ്യൂമർ ഴോണറിലൂടെയാണ്, അതും അതീവ ആത്മവിശ്വാസത്തോടെ.
സിനിമയുടെ നട്ടെല്ല് കഥയും അതിന്റെ ഒഴുക്കുമാണ്. തുടക്കം മുതൽ അവസാനത്തേയ്ക്കും കഥയുടെ progression വളരെ സ്വാഭാവികമായും എൻഗേയ്ജിംഗായും മുന്നോട്ട് പോകുന്നു. ഡാർക്ക് ഹ്യൂമർ ഘടകങ്ങൾ കഥയിൽ ചേർന്നിരിക്കുന്ന രീതി തീർത്തും ജൈവികമായി അനുഭവപ്പെടുന്നു. പലപ്പോഴും നമ്മളെ ചിരിപ്പിക്കുന്നതും അതേസമയം അസ്വസ്ഥത ഉണ്ടാക്കുന്നതുമായ ഒരു thin line ഈ സിനിമ നിലനിർത്തുന്നു.
സിനിമയിൽ ഉപയോഗിച്ചിരിക്കുന്ന മറ്റു സിനിമകളുടെ റഫറൻസുകൾ ശ്രദ്ധേയമാണ്. അവ വെറും fun element ആയി മാത്രമല്ല, സിനിമയുടെ ആഖ്യാനത്തെ തന്നെ മറ്റൊരു തലത്തിലേക്ക് വികസിപ്പിക്കുകയും ചെയ്യുന്നു. ഈ റഫറൻസുകൾ പലപ്പോഴും പ്രേക്ഷകരെ ഒരു meta-level അനുഭവത്തിലേക്ക് കൊണ്ടുപോകുന്നുണ്ട്.
READ: ആട്ടം, അട്ടഹാസം, മോഹിനിയാട്ടം…
കഥാപാത്രങ്ങളിലേക്ക് വരുമ്പോൾ, ആദ്യ ഭാഗത്തിലുണ്ടായിരുന്ന എല്ലാ കഥാപാത്രങ്ങളും മികച്ച പെർഫോർമെൻസ് കാഴ്ചവെക്കുന്നു. എടുത്തുപറയേണ്ടത് സുഭാഷ് എന്ന കഥാപാത്രത്തെ അവതരിപ്പിച്ച ബേബി ജീനിന്റെ പ്രകടനമാണ്. ആദ്യ ഭാഗത്തിൽ സൈക്കോ സ്വഭാവമുള്ള കഥാപാത്രമായി തോന്നിപ്പിക്കും, രണ്ടാം ഭാഗത്ത് അതിൽനിന്ന് തീർത്തും വ്യത്യസ്തമായ റെയ്ഞ്ചിൽ പ്രത്യക്ഷപ്പെടുന്നു. കഥാപാത്രത്തിന്റെ പരിണാമം ബോധ്യപ്പെടുത്തുംവിധമുള്ള പ്രകടനം. ക്യാമറയ്ക്ക് പിന്നിലും ബേബി ജീൻ സംഭാവന നൽകിയിട്ടുണ്ട്. അദ്ദേഹത്തിന്റെ റാപ്പ് സിനിമയുടെ അന്തരീക്ഷത്തെ സ്വാധീനിക്കുന്ന ഒന്നാണ്.
സൈജു കുറുപ്പ്, കലാരജ്ഞിനി, നന്ദു, ശ്രീജ രവി, ശ്രുതി സുരേഷ്, ദിവ്യ, ജീവിൻ, ജിനിൽ അഭിരാം എന്നിവർ ആദ്യ ഭാഗത്തിലെ കഥാപാത്രങ്ങളെ തുടർന്നും ശക്തമായി അവതരിപ്പിക്കുന്നു. രണ്ടാം ഭാഗത്ത് എത്തുന്ന സുരാജ് വെഞ്ഞാറമൂട്, വിനയ് ഫോർട്ട്, നിസ്താർ സേട്ട്, സന്തോഷ് നായർ എന്നിവർ സിനിമയുടെ എനർജിയെ മറ്റൊരു തലത്തിലേക്ക് കൊണ്ടുപോകുന്നു. ഓരോ കഥാപാത്രത്തിനും കഥയിൽ വ്യക്തമായ പ്രസക്തിയുണ്ട്.
സായ് കുമാർ അവതരിപ്പിച്ച ഭരതൻ നായർ എന്ന കഥാപാത്രം രണ്ടാം ഭാഗത്ത് നേരിട്ട് ഇല്ലെങ്കിലും, അദ്ദേഹത്തിന്റെ സാന്നിധ്യം സിനിമ മുഴുവൻ അനുഭവപ്പെടുന്നു.
ബബ്ലു അജുവിന്റെ സിനിമാറ്റോഗ്രഫി, വിഷ്വലുകളെ വളരെ raw ആയും aesthetic ആയും അവതരിപ്പിക്കുന്നു. ഷഫീഖ് വി.ബിയുടെ എഡിറ്റിങ് സിനിമയുടെ pace നിലനിർത്തുന്നതിൽ നിർണായക പങ്ക് വഹിക്കുന്നു. ഒട്ടും ഇഴച്ചിലില്ലാതെ smooth flow നിലനിർത്തുന്നു. ഇലക്ട്രോണിക് കിളിയുടെ സംഗീതം സിനിമയുടെ ആകെയുള്ള മൂഡുമായി സമ്പൂർണമായി തന്നെ ഒത്തുപോകുന്നതാണ്. പ്രത്യേകിച്ച് ബാക്ക്ഗ്രൗണ്ട് സ്കോർ, സീനുകളുടെ ഇംപാക്റ്റ് കൂട്ടാൻ സഹായിക്കുന്നു.
ഈ സിനിമ വെറുമൊരു ഡാർക്ക് ഹ്യൂമർ എന്റർടെയ്നർ മാത്രമല്ല. ഇതിഹാസങ്ങളും ആരാധനാലയങ്ങളുമായി ബന്ധപ്പെട്ട രാഷ്ട്രീയം സംവിധായകൻ സൂക്ഷ്മമായി അവതരിപ്പിക്കുന്നുണ്ട്, ഒരു സാരോപദേശമായി മാറാതെ തന്നെ.
മോഹിനിയാട്ടം എന്ന സിനിമ സാധാരണ മട്ടിലുള്ളൊരു എൻറർടെയ്നറല്ല. ചിന്തയെ പ്രകോപിപ്പിക്കുന്നതും പ്രേക്ഷകരുമായി എൻഗെയ്ജ് ചെയ്യുന്നതുമായ ഒരനുഭവമാണ്. ഒപ്പം, സാങ്കേതികത്തികവ് അവിസ്മരണീയമായ അനുഭവം സമ്മാനിക്കുകയും ചെയ്യുന്നു.
