എന്തിൽനിന്നെന്തിലേക്കെന്നീ ചോദ്യം
സന്ധ്യകളെന്നെങ്കിലും ചോദിച്ചിട്ടുണ്ടാമോ സ്വയം?
ചോദിച്ചതാരായിരിക്കുമീ ചോദ്യം?
പുഴുപോലുദരം കൊണ്ടിഴയും പാതകളോ,
നിമിഷം തോറും സ്വയം മാറും പുഴകളോ,
ഒന്നിന് പിന്നിലൊന്നായ് വരും
പീഡിതനാം മനുഷ്യന്റെ ഘോഷയാത്രകളോ?
ചോദിച്ചതാരീ ചോദ്യമെന്ന് മാത്രം ചോദിക്കാം
ചോദ്യങ്ങൾ വീണടിഞ്ഞു മണ്ണാകുമീ നേരം
സന്ധ്യയിൽ.▮
ആനന്ദ് / ഫോട്ടോ: ഉണ്ണി ആർ.