ക്ഷമിക്കുക
പുഴ തെളിയും.
ക്ഷമിക്കുക
മൂത്രമൊഴിക്കുന്നത് പോലും
അത്യാനന്ദകരമായി മാറുന്ന
ഒരു വാഗ്ദത്ത ഭൂമിയിൽ
നിങ്ങൾക്കെത്തിച്ചേരാനാവും.
എത്ര മുട്ടിയാലും ഒഴിക്കരുത്
ഒടുവിൽ ആനന്ദം കൊണ്ട്
പൊട്ടിക്കരഞ്ഞ് നിങ്ങളാ ഭൂമി തിരിച്ചറിയും.
ക്ഷമിക്കുക
കാഞ്ഞിരത്തിന്റെ ഇലകൾ പോലും
മധുരിക്കുന്ന നാൾ വരും
തിന്നാനുണ്ടാവരുത് യാതൊന്നും
ചരൽ മണ്ണു പോലും.
ക്ഷമ എന്ന് ഭൂമിയെ വിളിച്ചവൻ
കടന്നു വന്നത്
കഠിനമായ
വഴികളിലൂടെ
▮