എന്തുകൊണ്ട്
എന്റെ കുട്ടി
ഇങ്ങനെ പെരുമാറുന്നു?

ഓരോ കുട്ടിയും ഒരു അത്ഭുതമാണ്. എന്നാൽ ചില കുട്ടികളുടെ പെരുമാറ്റരീതികളിൽ, പ്രത്യേകിച്ച് അവർ അപ്രതീക്ഷിതമായി ദേഷ്യപ്പെടുകയോ, അമിതമായി ഓടിച്ചാടി നടക്കുകയോ, അല്ലെങ്കിൽ ചില കാര്യങ്ങളിൽ തീരെ ശ്രദ്ധ കൊടുക്കാതിരിക്കുകയോ ചെയ്യുമ്പോൾ, മാതാപിതാക്കൾ ആശയക്കുഴപ്പത്തിലാകാറുണ്ട്.

"എന്റെ കുട്ടി എന്തുകൊണ്ട് വസ്ത്രത്തിലെ ടാഗിൽ അസ്വസ്ഥനാകുന്നു?", "എന്തുകൊണ്ടാണ് അവൻ ഒരിടത്ത് അടങ്ങിയിരിക്കാത്തത്?", "എന്തുകൊണ്ടാണ് ചില ശബ്ദങ്ങൾ അവനെ ഇത്രയധികം ഭയപ്പെടുത്തുന്നത്?"- ഈ ചോദ്യങ്ങൾക്കെല്ലാം പലപ്പോഴും ഉത്തരം നൽകുന്നത് സെൻസറി ഇന്റഗ്രേഷൻ എന്ന തലച്ചോറിലെ ഒരു സുപ്രധാന പ്രക്രിയയാണ്.

1. പ്രവർത്തനത്തിന്റെ അടിസ്ഥാനം:
എന്താണ് സെൻസറി ഇന്റഗ്രേഷൻ?

നമ്മുടെ തലച്ചോറിനെ ഒരു "ട്രാഫിക് കൺട്രോൾ റൂം" ആയി സങ്കൽപ്പിക്കുക. കാഴ്ച, കേൾവി, മണം, രുചി, സ്പർശം എന്നീ അഞ്ച് ഇന്ദ്രിയങ്ങൾക്ക് പുറമെ, പ്രധാനപ്പെട്ട മറ്റ് രണ്ട് ഇന്ദ്രിയങ്ങൾ കൂടിയുണ്ട്:

ഈ ഏഴ് വഴികളിലൂടെയാണ് തലച്ചോറിലേക്ക് കോടിക്കണക്കിന് സംവേദനസന്ദേശങ്ങൾ എത്തുന്നത്. ഡോ. എ. ജീൻ അയേഴ്സ് പറയുന്നതനുസരിച്ച്, ഈ സന്ദേശങ്ങളെ തലച്ചോർ ക്രമീകരിക്കുന്ന പ്രക്രിയയാണ് സെൻസറി ഇന്റഗ്രേഷൻ (SI) . ഈ പ്രക്രിയ ശരിയായി നടക്കുമ്പോളാണ് നമുക്ക് ചുറ്റുപാടുകൾക്കനുസരിച്ച് ഫലപ്രദമായി പ്രതികരിക്കാൻ കഴിയുന്നത്.

2. സെൻസറി പ്രോസസ്സിംഗ് ഡിസോർഡർ (SPD): താളം തെറ്റുന്ന ലോകം

സെൻസറി ഇന്റഗ്രേഷനിൽ ബുദ്ധിമുട്ടുണ്ടാകുമ്പോൾ, കുട്ടിയുടെ തലച്ചോറിലെ "ട്രാഫിക് കൺട്രോൾ" താളം തെറ്റുകയും, അത് സെൻസറി പ്രോസസ്സിംഗ് ഡിസോർഡറിലേക്ക് (SPD)* നയിക്കുകയും ചെയ്യുന്നു.

ഇത് രണ്ട് പ്രധാന രീതികളിൽ കാണാം:

ഇത്തരം കുട്ടികൾ സാധാരണമായ സംവേദനങ്ങളോട് പോലും അമിതമായി പ്രതികരിക്കും. അവരുടെ ലോകം ബഹളമയവും, വേദനാജനകവും, തീവ്രവുമാണ്.

ഉദാഹരണം: ഉറക്കെയുള്ള ശബ്ദം കേട്ട് ചെവികൾ പൊത്തുക, വസ്ത്രത്തിലെ ടാഗ് സഹിക്കാനാവാതെ അസ്വസ്ഥരാവുക, ചില ഭക്ഷണങ്ങളുടെ മൃദുലതയോ കടുപ്പമോ തീരെ ഇഷ്ടപ്പെടാതിരിക്കുക, മറ്റ് കുട്ടികൾ അടുത്തുവന്ന് തൊടുന്നതിൽ അസ്വസ്ഥരാവുക

ഇത്തരം കുട്ടികൾക്ക് സജീവമാകാനും ശ്രദ്ധ കേന്ദ്രീകരിക്കാനും തീവ്രമായ സംവേദനം ആവശ്യമുണ്ട്. ചുറ്റുപാടുമുള്ള സംവേദനങ്ങൾ അവർക്ക് വേണ്ടത്ര ശക്തിയായി അനുഭവപ്പെടുന്നില്ല.

ഉദാഹരണം: നിരന്തരം ഓടുകയും ചാടുകയും കറങ്ങുകയും ചെയ്യുക, വസ്തുക്കളിൽ പോയി ഇടിക്കുക, വേദന കൂടുതൽ സഹിക്കുക, മറ്റുള്ളവരെ ശക്തിയായി കെട്ടിപ്പിടിക്കുക, എപ്പോഴും എന്തെങ്കിലും ചവയ്ക്കുക. ഇവർ ഒരിടത്ത് അടങ്ങിയിരിക്കാൻ പ്രയാസപ്പെടുന്നതായി കാണാം.

3. ഓട്ടിസം സ്പെക്ട്രം ഡിസോർഡറും (ASD) സെൻസറി പ്രശ്നങ്ങളും

ഓട്ടിസമുള്ള കുട്ടികളിൽ, ഈ സെൻസറി വെല്ലുവിളികൾ വളരെ സാധാരണമാണ്. വാസ്തവത്തിൽ, SPD പലപ്പോഴും ASD-യുടെ അടിസ്ഥാനപരമായ ഒരു ഘടകമാണ്.

സെൻസറി പ്രശ്നങ്ങൾ കാരണം കുട്ടിയുടെ ശ്രദ്ധ, പെരുമാറ്റം, സാമൂഹിക ഇടപെടൽ എന്നിവയെല്ലാം തടസ്സപ്പെട്ടേക്കാം. ഒരു കുട്ടിക്ക് ഒരിടത്തും ശ്രദ്ധിച്ചിരിക്കാൻ കഴിയുന്നില്ലെങ്കിൽ, അത് സ്കൂളിലെ പഠനത്തെയും സാമൂഹിക ഇടപെടലുകളെയും ബാധിക്കും.

4. മാതാപിതാക്കൾ ശ്രദ്ധിക്കേണ്ട
മുന്നറിയിപ്പ് സൂചനകൾ

നേരത്തെയുള്ള ഇടപെടലാണ് ഏറ്റവും പ്രധാനം . ' നിങ്ങളുടെ കുട്ടിയിൽ താഴെ പറയുന്ന കാര്യങ്ങൾ ശ്രദ്ധയിൽപ്പെട്ടാൽ ഉടൻ തന്നെ ഒരു വിദഗ്ദ്ധ ഡോക്ടറെയോ ഡെവലപ്മെന്റൽ പീഡിയാട്രീഷ്യനെയോ സമീപിക്കണം:

എ. സാമൂഹിക ആശയവിനിമയത്തിലെ വ്യതിയാനങ്ങൾ:

ബി. ആവർത്തനപരമായ പെരുമാറ്റ രീതികൾ

മുകളിൽ സൂചിപ്പിച്ച SPD ലക്ഷണങ്ങൾ ഓർക്കുക.

"വളരുമ്പോൾ ശരിയായിക്കോളും" എന്നു കരുതി ഒരിക്കലും ഒരു റഫറൽ വൈകിപ്പിക്കരുത്. നിങ്ങളുടെ കുട്ടിക്ക് ഈ സൂചനകൾ കാണുന്നുണ്ടെങ്കിൽ, എത്രയും വേഗം ഡെവലപ്മെന്റൽ വിലയിരുത്തൽ നടത്തുന്നത്, നേരത്തെയുള്ള ഇടപെടലിന് (Early Intervention) വഴിതുറക്കും.

ശരിയായ രോഗനിർണയം, സ്പീച്ച് തെറാപ്പി, ഒക്യുപ്പേഷണൽ തെറാപ്പി (സെൻസറി പ്രശ്നങ്ങൾക്ക്) എന്നിവയിലൂടെ കുട്ടികൾക്ക് മികച്ച ജീവിത നിലവാരം ഉറപ്പാക്കാൻ നമുക്ക് സാധിക്കും. നിങ്ങളുടെ കുട്ടിയുടെ ഓരോ ചെറിയ വിജയവും ആഘോഷിക്കാനുള്ള പിന്തുണ നൽകണം.

READ : കുട്ടികളിലെ
ആവർത്തിച്ചുള്ള പനി;
കാരണങ്ങൾ, പ്രതിവിധികൾ

ഡിജിറ്റൽ മീഡിയ ഉപയോഗം: എങ്ങനെ നമ്മുടെ കുട്ടിയെ നല്ല ഡിജിറ്റൽ സിറ്റിസൺ ആക്കാം?

നവജാതശിശുക്കളുടെ
സ്‌ക്രീനിംഗ്

ഒരിക്കലും അധികപ്പറ്റല്ല
ഈ വാക്സിനുകൾ

സാൽക്കും സബിനും:
ശാസ്ത്രം സമൂഹത്തിനു വേണ്ടി

കടവുൾ
അവതാരം

▮
‘ IMA നമ്മുടെ ആരോഗ്യം’ മാസികയുടെ വരിക്കാരാകാം