ബൈപോളാർ ഡിസോർഡർ:
ഉന്മാദവും വിഷാദവും മാറിമറിയുമ്പോൾ

വിഷാദത്തിന്റെയും ഉന്മാദത്തിന്റെയും ഘട്ടങ്ങൾ മനസിൽ മാറിമാറി വരുന്ന ബൈപോളാർ ഡിസോർഡർ സർവസാധാരണമായ ഒരു മാനസികാരോഗ്യ പ്രശ്നമാണ്. പലർക്കും ഈ അവസ്​ഥയെക്കുറിച്ച് ശരിയായ ധാരണകളില്ല. അറിവില്ലായ്മ നിമിത്തവും ആരോഗ്യ സേവനങ്ങളിലെ അവബോധമില്ലായ്മയുമാണു കാരണം. നാഷണൽ ഇൻസ്റ്റിറ്റ്യൂട്ട് ഓഫ് ഹെൽത്തിന്റെ കണക്കുപ്രകാരം ആഗോള ജനസംഖ്യയിൽ 2.4 ശതമാനം വരുന്നവർക്ക് ബൈപോളാർ ഡിസോർഡറുണ്ട്. ലോകാരോഗ്യ സംഘടനയുടെ 2019- ലെ കണക്കു പ്രകാരം 40 മില്യൺ ജനങ്ങൾ (നാലു കോടി) ഈ പ്രശ്നങ്ങളുമായി ജീവിക്കുന്നു. ഇപ്പോൾ ഇത് ബാധിച്ചവരുടെ എണ്ണം എട്ടുകോടിയിലധിക മാണെന്നാണ് കണക്ക്.

ബൈപോളാർ ഡിസോർഡറുള്ളവർക്ക് ശരിയായ സമയത്ത് ശരിയായ രോഗനിർണ്ണയം നടത്താൻ കഴിഞ്ഞാൽ മാനസികാരോഗ്യപ്രശ്നങ്ങളുമായി ബന്ധപ്പെട്ട ഭയം, അപമാനം എന്നിവയെ ഫലപ്രദമായി നേരിടാൻ സാധിക്കുമെന്നതാണ് യാഥാർത്ഥ്യം.

ഏതാനും ദശകങ്ങൾക്കു മുൻപ് ഈ രോഗത്തിന്റെ പേര് മാനിക് ഡിപ്രസ്സീവ് സൈക്കോസിസ്​ (Manic Depressive Psychosis- M.D.P) എന്നായിരുന്നു. മാനിയ ആണ് ഈ രോഗത്തിന്റെ ആരംഭം കുറിക്കുന്നത് എന്ന തെറ്റായ നിരീക്ഷണമായിരുന്നു ഇത്തരത്തിലുള്ള നാമകരണത്തിനുള്ള അടിസ്​ഥാനം. എന്നാൽ, ഇപ്പോൾ പലപ്പോഴും വിഷാദാവസ്​ഥയാണ് രോഗാരംഭമെന്ന് മനസ്സിലാക്കിയതിനാൽ ഈ രോഗത്തിന്റെ നാമകരണം രണ്ടു ധ്രുവങ്ങളുള്ള (മാനിയ, വിഷാദം) രോഗമെന്നുള്ള അർത്ഥത്തിൽ ബൈപോളാർ ഡിസോർഡർ (Bipolar Disorder- B.D) എന്നാക്കിയിട്ടുണ്ട്.

ബൈപോളാർ രോഗം വളരെ സങ്കീർണ്ണമായ ഒരു മാനസികാരോഗ്യ പ്രശ്നമാണ്. ഏറ്റവും കൂടുതൽ ദുർമുഖങ്ങളുള്ള ഒരു മനോരോഗവും ഇതുതന്നെ. ബൈപോളാർ ഡിസോർഡർ ഉള്ള ആളുകൾക്ക് ഉന്മാദത്തിന്റെ (ഉയർച്ച) കാലയളവുകളും വിഷാദത്തിന്റെ (താഴ്ച) കാലയളവുകളും അനുഭവപ്പെടുന്നു. ഇത് സാധാരണ വ്യക്തിയുടെ വൈകാരിക വേലിയേറ്റങ്ങൾ പോലെ തോന്നാം. എന്നാൽ, ഇതൊരു സുനാമിപോലെ ഭീകരമായിത്തീരാം. ഈ ആനന്ദവും വിഷാദവും ആഴ്ചകളോ മാസങ്ങളോ നീണ്ടുനിൽക്കും. ബൈപോളാർ ഡിസോർഡർ സമൂഹത്തിൽ സാധാരണമാണ്. രോഗമുള്ളവർക്ക് പലപ്പോഴും അത് തിരിച്ചറിയാൻ കഴിയില്ല.

ബൈപോളാർ ഡിസോർഡർ ഉള്ളവരിൽ ആത്മഹത്യാ പ്രവണതകൾ കൂടുതലാണ്. വിഷാദത്തിെൻ്റ കാലയളവിൽ, ആത്മഹത്യാ ചിന്തകളും ശ്രമങ്ങളും ഉണ്ടാകാനുള്ള സാധ്യത വളരെ കൂടുതലാണ്. പ്രശ്നങ്ങൾ രോഗസ്​ഥർ സ്വയം നിർണ്ണയിക്കാൻ ശ്രമിക്കുന്നത് ആരോഗ്യവിദഗ്ദ്ധർ നിരുത്സാഹപ്പെടുത്തുന്നുണ്ട്. വ്യക്തിജീവിതത്തെ ബാധിക്കുന്ന രീതിയിൽ വൈകാരിക സ്​ഥിതിയിൽ സ്​ഥിരമായ മാറ്റം ഉണ്ടാകുന്നുവെങ്കിൽ, അത് ഒരു വിദഗ്ദ്ധനെ കാണിച്ച് നിർണ്ണയിക്കണം. ഇതിനെ മറ്റ് സമാനമായ അവസ്​ഥകളിൽനിന്ന് വ്യത്യാസപ്പെടുത്താൻ രോഗിയുടെ ചരിത്രം, ലക്ഷണ ങ്ങളുടെ മാതൃക, മാനിയ എപ്പിസോഡുകളുടെ അഥവാ രോഗലക്ഷണശകലസാന്നിധ്യം, ഓരോ എപ്പിസോഡിന്റെയും ദൈർഘ്യം, ആവൃത്തി, ലക്ഷണങ്ങളുടെ സാഹചര്യങ്ങൾ, ശക്തമായ കുടുംബചരിത്രം എന്നിവ സൂക്ഷ്മമായി വിലയിരുത്തണം. ആവശ്യമായാൽ, വിദഗ്ദ്ധർ രോഗനിർണ്ണയ സ്​കെയിലുകൾ ഉപയോഗിക്കുകയൂം വ്യത്യസ്​തമായ മാനസിക പരിശോധനകൾ നടത്തി രോഗനിർണ്ണയത്തിന് വ്യക്തത വരുത്തുകയും ചെയ്യണം.

ബൈപോളാർ ഡിസോർഡർ മൂന്ന് പ്രധാന തരമുണ്ട്. ബൈപോളാർ I ഡിസോർഡറിനൊപ്പം, വ്യക്തിക്ക് കുറഞ്ഞത് ഒരു തീവ്രമായ മാനിക് ഘട്ടം ഉണ്ടാകും, കൂടാതെ മുൻപും ശേഷവും വിഷാദം അനുഭവ പ്പെടും. ബൈപോളാർ II എന്നത് വ്യക്തിക്ക് കുറഞ്ഞത് രണ്ടാഴ്ചയോളം പ്രധാന വിഷാദ ഘട്ടമുണ്ടാകുമ്പോഴാണ്. ഇതിനുശേഷം ഏകദേശം നാല് ദിവസത്തോളം നീണ്ടുനിൽക്കുന്ന ഹൈപ്പോ മാനിക് ഘട്ടമുണ്ടാകും.
സൈക്ലോതൈമിയ എന്നത് ബൈപോളാർ ഡിസോർഡറിന്റെ കുറഞ്ഞ തീവ്രതാ രൂപമാണ്. വ്യക്തിക്ക് ഹൈപ്പോമാനിയയും വിഷാദവും അനു ഭവപ്പെടും. എന്നാൽ, അവർക്ക് മൂഡ് സ്​ഥിരതയുള്ള കുറച്ച് മാസങ്ങൾ ഉണ്ടായെന്നിരിക്കും.

ലക്ഷണവും നിർണയവും

ഒരു മാനിക് ഘട്ടം അപകടകരമായ ആനന്ദത്തിന്റെ കാലയളവാണ്. ആ വ്യക്തി അത്യാനന്ദിതനായി കാണപ്പെടുകയും ചിലപ്പോൾ അസാധാരണമായ പെരുമാറ്റത്തിൽ ഏർപ്പെടുകയും ചെയ്യും. ഒരു മാനിക് കാലയളവിൽ വ്യക്തികൾ വലിയ ചെലവുകൾ നടത്തുകയും, സംരക്ഷണമില്ലാത്ത ലൈംഗികബന്ധത്തിൽ ഏർപ്പെടുകയും മയക്കുമരുന്ന് ഉപയോഗിക്കുകയും ചെയ്യാം. ഒരാൾ മാനിയയിൽ ആണെന്ന് തിരിച്ചറിയുന്നത് ചിലപ്പോൾ ബുദ്ധിമുട്ടാണ്. കാരണം അവർ വളരെ സന്തോഷവാന്മാരായി തോന്നാം. ഹൈപ്പോമാനിയ മാനിയയോട് സാമ്യമുള്ളതാണ്, പക്ഷേ തീവ്രത കുറവായിരിക്കും. സാധാരണ ജീവിതം തുടരാൻ സാധ്യമാണ്, പക്ഷേ, ശ്രദ്ധേയമായ മൂഡ് മാറ്റങ്ങളുണ്ടാകും. ഹൈപ്പോമാനിയയോടെ ദൈനംദിന ജീവിതം കുറച്ച് സാധ്യമാണ്.

ഒരു മാനിക് ഘട്ടത്തിനു മുൻപും ശേഷവും ഒരു വിഷാദ കാലയളവുണ്ടാകും. അവർ വിഷാദത്തിൽ ആയിരിക്കുമ്പോൾ, ആഴത്തിലുള്ള ദുഃഖം, ഊർജ്ജ നഷ്ടം, ശ്രദ്ധക്കുറവ്, നിരാശ, ഉറക്കപ്രശ്നങ്ങൾ, ആത്മഹത്യാ ചിന്തകൾ, അവർക്ക് ഇഷ്ടമായിരുന്ന പ്രവർത്തനങ്ങളിൽ താല്പര്യം നഷ്ടപ്പെടൽ എന്നീ ലക്ഷണങ്ങൾ ഉൾപ്പെടുന്നു. ഉറക്കമില്ലായ്മ ഒരു പ്രധാന ലക്ഷണമാണ്. മാനിയ സമയങ്ങളിൽ അമിതാനന്ദവുമായി വേർപെടുന്നത് ഇഷ്ടമല്ലാത്തതി നാൽ ഈ രോഗികൾക്ക് ഉറങ്ങുന്നത് ഹിതകരമല്ല.

തീവ്രമായ വിഷാദരോഗാവസ്​ഥയിൽ ശക്തമായ വിഷാദം, ആകുലത, പെട്ടെന്നുള്ള ദേഷ്യം, കടുത്ത ക്ഷീണം, വിശപ്പില്ലായ്മ, തളർച്ച, എല്ലാം യാന്ത്രികമായി ചെയ്യുക, ജോലികൾ പൂർത്തീകരിക്കാൻ പറ്റാതെ വരിക, വൈകാരികബന്ധം സ്​ഥാപിക്കാൻ കഴിയാതെ വരിക, താൻ ഒരു പരാജയമാണ് എന്ന തോന്നൽ, ഒന്നിലും താല്പര്യമില്ലാത്ത അവസ്​ഥ, നിരാശ, എല്ലാവരിൽ നിന്നും അകലുക ഇവയൊക്കെ വിഷാദരോഗത്തിന്റെ ലക്ഷണങ്ങളാണ്. ചിലരിൽ ആത്മഹത്യാപ്രവണതയും ഇടയ്ക്കുവരാം.

മാനിയായിൽ അമിതമായ സന്തോഷാവസ്​ഥ (Elation) ദ്രുതഗതിയിൽ മാറിമറഞ്ഞു കൊിരിക്കുന്ന ആശയങ്ങൾ (Flight of Ideas), ശാരീരികമായ ഉത്തേജനാവസ്​ഥ (Motor Excitement) എന്നിവയാണ് പൊതുലക്ഷണങ്ങൾ. ഓർമ്മശക്തിയും മാനസികമായ മറ്റ് കഴിവുകളും വേണ്ടുവോളമുണ്ടായിരിക്കും. എത്ര ജോലി ചെയ്താലും വലിയ ക്ഷീണം അനുഭവപ്പെടുകയില്ല. ഈ രോഗാവസ്​ഥയിലുള്ള സ്​ത്രീരോഗി വളരെ പുലർച്ചയ്ക്ക് തന്നെ ഉണരുന്നു. ഉണർന്നാൽ ഉടനെ തന്നെ വീട്ടുജോലികൾ ആരംഭിക്കുന്നു. ഒരിടത്ത് അടങ്ങിയിരുന്ന് വിശ്രമിക്കാൻ രോഗി കൂട്ടാക്കു കയില്ല. വളരെ ആകർഷകമായ രീതിയിൽ വസ്​ത്രങ്ങൾ അണിയുന്നു. ചിലപ്പോൾ രോഗിയിൽ ഉത്തേജനാവസ്​ഥ വളരെ കൂടുതലായിത്തീരുന്നു. രോഗി മറ്റുള്ളവരെ കടന്നാക്രമിച്ചെന്നു വരാം. പാടാനും ആടാനും തുടങ്ങുന്നു. അടുക്കള സാമഗ്രികൾ നശിപ്പിക്കാനും തുനിയുന്നു. എത്ര സംസാരിച്ചാലും രോഗിക്ക് മതിയാവുകയില്ല.

മായക്കാഴ്ചകൾ (Hallucinations), ഭ്രമചിന്തകൾ /തോന്നലുകൾ (Delusions), അകാരണമായ സംശയം (Paranoia), പരസ്​പരബന്ധമില്ലാത്ത സംസാരങ്ങൾ, പെരുമാറ്റങ്ങൾ, ചിന്ത, ഭ്രമചിന്തകളുടെ അടിസ്​ഥാനത്തിൽ എടുക്കുന്ന തീരുമാനങ്ങൾ, സാമൂഹിക ഉൾവലിയൽ, പെട്ടെന്നുണ്ടാകുന്ന വൈകാരിക മാറ്റങ്ങൾ എന്നിവയൊക്കെ സൈക്കോസിസിന്റെ ലക്ഷണങ്ങളാണ്. പ്രസവത്തെത്തുടർന്ന്, പോസ്​റ്റ് പാർട്ടം സൈക്കോസിസ്​ ഉണ്ടാകാവുന്നതാണ്. സൈക്കോസിസിന്റെ അവസ്​ഥയിൽ കുഞ്ഞുങ്ങളെ അപായപ്പെടുത്താൻ ശ്രമിക്കുന്ന മാതാക്കളുണ്ട്. മിക്കവരിലും ആ സമയത്ത് ഒരു മിഥ്യഭ്രമചിന്ത അവരുടെ ബോധത്തെ കീഴ്മേൽ മറിക്കുന്നു. പൂർണ്ണമായും മിഥ്യാബോധത്തിനു കീഴടങ്ങാത്ത അവസ്​ഥയിലും കുഞ്ഞുങ്ങളെ കൊല്ലാനുള്ള ചിന്ത വരുന്നതിനോടൊപ്പം സ്വയം നശിപ്പിക്കാനുള്ള പ്രവണതയും ഉണ്ടാകുന്നു. തങ്ങളുടെ കുട്ടികളെ ലോകത്തിൽ തന്നെയിട്ടു പോകാനുള്ള ഭയമാണ്, പലപ്പോഴും സ്വയം മരിക്കുന്നതിനു മുൻപേ കുട്ടികളെ വധിക്കാൻ അവരെ പ്രേരിപ്പിക്കുന്നത്. പ്രസവത്തെ ത്തുടർന്ന് മാനിയായും വിഷാദരോഗവും ഉണ്ടാകുമ്പോൾ മറ്റവസരങ്ങളിലെപ്പോലെ വേഗത്തിൽ രോഗം സുഖം പ്രാപിച്ചുവെന്ന് വരികയില്ല.

പ്രസവാനന്തര മാനിയ ചിലപ്പോൾ വിഷാദരോഗമായി പരിണമിക്കുന്നതിനും സാധ്യതയുണ്ട്. പ്രസവത്തെത്തുടർന്ന് മാനിയായും ഡിപ്രഷനുമുണ്ടാകുമ്പോൾ മറ്റവസരങ്ങളി ലെപ്പോലെ വേഗത്തിൽ രോഗം ഭേദമായെന്ന് വരികയില്ല.

പുരുഷന്മാരും സ്​ത്രീകളും ഏകദേശം തുല്യമായ എണ്ണത്തിൽ ബൈപോളാർ ഡിസോർഡർ അനുഭവപ്പെടുന്നു. സ്​ത്രീകൾ ‘റാപ്പിഡ് സൈക്ലിംഗ്’ എന്നറിയപ്പെടുന്ന അവസ്​ഥയിലേക്ക് വീഴാനും സാധ്യതയുണ്ട്. ഇതിനർത്ഥം, അവർക്ക് ഒരു വർഷത്തിൽ കുറഞ്ഞത് നാല് മാനിക്- വിഷാദ ഘട്ടങ്ങൾ അനുഭവപ്പെടും. സ്​ത്രീകൾക്ക് ഒരേസമയം മറ്റ് രോഗാവസ്​ഥകൾ ഉണ്ടാകാനുള്ള സാധ്യത കൂടുതലാണ്. പുരുഷന്മാർക്ക് സാധാരണയായി ജീവിതത്തിലെ ആദ്യകാലത്ത് ഈ രോഗം വെളിവാക്കപ്പെടണമെന്നില്ല. അവർക്ക് ലഹരി ദുരുപയോഗ പ്രശ്നങ്ങൾ ഉണ്ടാകാനുള്ള സാധ്യതയുണ്ട്. പുരുഷന്മാർക്ക് നീണ്ട മാനിയ കാലയളവുകൾ അനുഭവപ്പെടും. ഉദാഹരണത്തിന്, അവർ അവരുടെ മുഴുവൻ പണം ചെലവഴിക്കുകയോ അത്യന്തം ഭ്രാന്തമായ വിശ്വാസങ്ങൾ അനുഭവിക്കുകയോ സാധാരണമാണ്. ബൈപോളാർ ഡിസോർഡർ ഉള്ള പുരുഷന്മാർ ആത്മഹത്യ ചെയ്യാനുള്ള സാധ്യത കൂടുതലാണ്. കാരണം അവർ മെഡിക്കൽ പരിചരണം തേടാനുള്ള സാധ്യത കുറവാണ്.

പാരമ്പര്യം രോഗഘടകമോ?

ബൈപോളാർ ഡിസോർഡറിന്റെ നേരിട്ടുള്ള കാരണങ്ങൾ എന്താണെന്ന് അറിയില്ല. ഈ രോഗാവസ്​ഥയ്ക്ക് പിന്നിലെ കൃത്യമായ കാരണം കണ്ടെത്തുക എളുപ്പമല്ല, എന്നാൽ ചില സംശയാസ്​പദമായ കാരണങ്ങളുണ്ട്.

ഒരു വ്യക്തിയുടെ മസ്​തിഷ്ക ഘടനകൾ അവർക്ക് ബൈപോളാർ ഡിസോർഡർ ഉണ്ടാകുമോ എന്നതുമായി ബന്ധപ്പെട്ടിരിക്കാം. ചില അസാധാരണതകൾ ബൈപോളാർ ഡിസോർഡറിന്റെ അപകടസാധ്യത വർദ്ധിപ്പിക്കാം. ഈ രോഗം ജനിതക പരാധീനത, ജൈവമാറ്റങ്ങൾ, പരിസ്​ഥിതിയിലുള്ള വ്യതിയാനങ്ങൾ, ജീവിതത്തിലെ സമ്മർദ്ദങ്ങൾ തുടങ്ങിയുള്ള ഘടകങ്ങളുടെ സംയോജനം കൊണ്ട് ഉണ്ടാകുന്നതാണെന്നാണ് ഒരുപക്ഷം ഗവേഷകർ വാദിക്കുന്നത്. എങ്കിലും, വ്യക്തിയുടെ മസ്​തിഷ്കത്തിലെ രാസപ്രശ്നമാണ് പ്രധാന കാരണം എന്നത് ഉറപ്പാണ്. കുടുംബത്തിൽ ബൈപോളാർ ഡിസോർഡർ ഉള്ള ആളുകളുണ്ടെങ്കിൽ മറ്റുള്ളവർക്കും അതുണ്ടാകാനുള്ള സാധ്യത കൂടുതലാണെന്ന് ശക്തമായ തെളിവുകൾ സൂചിപ്പിക്കുന്നു. എങ്കിലും, രോഗം എല്ലാ കുടുംബാംഗങ്ങളിലും ഉണ്ടാകുമെന്ന് ചിന്തിക്കേതില്ല.

ഒരു മാതാവിന് ഡിസോർഡർ ഉണ്ടെങ്കിൽ, വ്യക്തികൾക്ക് അതുണ്ടാകാനുള്ള സാധ്യത നാലു മുതൽ ആറു മടങ്ങ് കൂടുതലാണ്. അതിനാൽ, ഈ രോഗം വരുന്നതിൽ പാരമ്പര്യഘടകമുണ്ടെന്ന് ശാസ്ത്രജ്ഞർ വിശ്വസിക്കുന്നു.

ജീവിതത്തിൽ സംഭവിക്കുന്ന അനുഭവങ്ങൾ അവരുടെ മസ്​തിഷ്കത്തെ ബാധിക്കുന്നു. ജീവിതസമ്മർദ്ദങ്ങൾ, വേദനാനുഭവങ്ങൾ, ശാരീരിക രോഗം തുടങ്ങിയ അപകടസാധ്യത വർദ്ധിപ്പിക്കുന്നു. ബൈപോളാർ ഡിസോർഡർ പുരുഷന്മാരേയും സ്​ത്രീകളേയും കുറച്ച് വ്യത്യസ്​തമായി ബാധിക്കുന്നതായി കരുതപ്പെടുന്നു. അവരുടെ ന്യൂറോകെമിസ്​ട്രിയിൽ ഉള്ള വ്യത്യാസങ്ങളാണ് ഇതിനു കാരണമാകുന്നത്.

ചികിത്സ

നിർഭാഗ്യവശാൽ, ബൈപോളാർ ഡിസോർഡറിന് പൂർണ്ണമായ ഒരു ചികിത്സയില്ല പക്ഷേ, അതിനെ എങ്ങനെ നേരിടാമെന്നു പഠിച്ചാൽ വ്യക്തികൾക്ക് സന്തോഷത്തോടെ ജീവിക്കാനാകും. ആദ്യം വൈകാരിക വ്യതിയാനങ്ങൾ സമതുലിതമാക്കാൻ ഔഷധങ്ങൾ ശുപാർശ ചെയ്യപ്പെടുന്നു. നിരവധി മരുന്നുകൾ ഇപ്പോൾ ലഭ്യമാണ്: മൂഡ് സ്റ്റാബിലൈസേഴ്സ്​ മരുന്നുകൾ മാനിക് അല്ലെങ്കിൽ ഹൈപ്പോമാനിക് ഘട്ടങ്ങൾ നിയന്ത്രിക്കാൻ സഹായിക്കുന്നു. അവ വിഷാദഘട്ടങ്ങൾക്കും സഹായകമായേക്കാം.
ഉദാഹരണം: ലിഥിയം (Lithobid), വാൽേപ്രായിക് ആസിഡ്, ഡിവാൽേപ്രാക്സ്​ സോഡിയം (Depakote), കാർബമസെപൈൻ Tegretol, Equetro, മറ്റുള്ളവ) ലാമോട്ട്രിജിൻ (Lamictal) എന്നിവയാണ്. ആൻ്റിസൈക്കോട്ടിക് മരുന്നുകൾക്ക് മൂഡ് സ്റ്റാബി ലൈസിംഗ് ഗുണങ്ങളുണ്ട്. കൂടാതെ മാനിക് അല്ലെങ്കിൽ ഹൈപ്പോമാനിക് അവസ്​ഥകൾക്കും പരിപാലന ചികിത്സക്കും ഈ മരുന്നുകൾ അംഗീ കരിച്ചിട്ടുണ്ട്. ആൻ്റിസൈക്കോട്ടിക്സ്​ മൂഡ് സ്റ്റാബിലൈസേഴ്സിനൊപ്പം അല്ലെങ്കിൽ ഏകമായി ഉപയോഗിക്കാം. ഓലാൻസപൈൻ (Zyprexa), റിസ്​പെറിഡോൺ (Risperdal), ക്വെറ്റിയാപൈൻ (Seroquel), അരിപിപ്രസോൾ (Abilify, Aristada, മറ്റുള്ളവ), സിപ്രാസിഡോൺ (Geodon), ലുറാസിഡോൺ (Latuda), അസെനാപൈൻ (Saphris) എന്നിവ ആൻ്റിസൈക്കോട്ടിക് മരുന്നുകളുടെ ഉദാഹരണങ്ങളാണ്.

ആരോഗ്യപരിപാലകർ വിഷാദം നിയന്ത്രിക്കാൻ ശ്രദ്ധാപൂർവ്വം ആൻ്റി ഡിപ്രസൻ്റ് മരുന്നുകൾ ചിലപ്പോൾ ചേർക്കാറുണ്ട്. എന്നാൽ, ആൻ്റി ഡിപ്രസൻ്റ് മാനിക് അല്ലെങ്കിൽ ഹൈപ്പോ മാനിക് രോഗാവസ്​ഥകൾ ഉണ്ടാക്കാവുന്നതാണ്. അതുകൊണ്ട്, ആൻ്റി ഡിപ്രസൻ്റുകൾ മൂഡ് സ്റ്റാബിലൈസർ അല്ലെങ്കിൽ ആൻ്റി സൈക്കോട്ടിക് മരുന്നിനൊപ്പം നിർദ്ദേശിക്കപ്പെടുന്നു. ഇത്തരുണത്തിൽ, ആൻ്റി ഡിപ്രസന്റ- ആന്റി സൈക്കോട്ടിക് കോമ്പിനേഷൻ ഉപകാരപ്രദമാണ്. ബെൻസോഡയാസെപൈനുകൾ ആശങ്ക കുറയ്ക്കാനും നന്നായി ഉറങ്ങാനും സഹായിക്കാം. എന്നാൽ അവ സാധാരണയായി ദീർഘകാലം ഉപയോഗിക്കുമ്പോൾ ദുരുപയോഗം ചെയ്യപ്പെടാം. ശരിയായ മരുന്ന് കണ്ടെത്താൻ ചില പരീക്ഷണങ്ങളും പിഴവുകളും എടുക്കേണ്ടിയിരിക്കുന്നു. ചിലപ്പോൾ, രണ്ട് അല്ലെങ്കിൽ മൂന്ന് മരുന്നുകൾ ഒരേസമയം ഉപയോഗിക്കുന്നു. ഈ പ്രക്രിയയ്ക്ക് ക്ഷമ ആവശ്യ മുണ്ട്. ചില മരുന്നുകൾക്ക് പൂർണ്ണ ഫലപ്രാപ്തി നേടാൻ ആഴ്ചകളോ മാസങ്ങളോ വേണ്ടിവരും. ചില മരുന്നുകൾക്ക് കാലാനുസൃതമായ അല്ലെങ്കിൽ പതിവായ രക്തനിരീക്ഷണം ആവശ്യമാകാം.

സാധാരണയായി, ആരോഗ്യപരിപാലകർ ഒരേസമയം ഒരു മരുന്ന് മാത്രമേ മാറ്റുകയുള്ളൂ. ഇപ്രകാരം ചെയ്യുന്നത് ഏറ്റവും കുറഞ്ഞ ദോഷഫലങ്ങളുള്ള മരുന്നുകൾ കണ്ടെത്താനാണ്. രോഗലക്ഷണ ങ്ങൾ മാറുമ്പോൾ ആരോഗ്യപരിപാലകർ മരുന്നുകളുടെ അളവ് കുറക്കുക പതിവാണ്. മരുന്നുകൾ പാർശ്വഫലങ്ങളും ദോഷഫലങ്ങളും ഉളവാക്കാം. ഡോസ്​ ക്രമീകരിക്കുമ്പോഴും ശരീരം മരുന്നുകളോട് പരിചയപ്പെടുമ്പോഴും ചില ദോഷഫലങ്ങൾ മെച്ചപ്പെടാം. ഫലപ്രാപ്തിയും കുറഞ്ഞ ദോഷഫലങ്ങളും ഉള്ള ഒരു മരുന്ന് കണ്ടെത്താൻ രോഗികൾ ആരോഗ്യപരിപാലകരോടൊ മാനസികാരോഗ്യ വിദഗ്ദ്ധരോടോ സഹകരിക്കേണ്ടതുണ്ട്. രോഗികൾ സ്വമേധയാ മരുന്നുകൾ മാറ്റുകയോ നിർത്തുകയോ ചെയ്യരുത്.

മരുന്നിനൊപ്പം, സൈക്കോ തെറാപ്പിയും സഹായകരമാണ്. കോഗ്നിറ്റീവ് ബിഹേവിയറൽ തെറാപ്പി (സി.ബി.ടി) അഥവാ അവബോധ പെരുമാറ്റ ചികിത്സയിൽ വലിയ പുരോഗതിയുണ്ടായിട്ടുണ്ട്. സി.ബി.ടി ആളുകളെ അവരുടെ സ്വന്തം ചിന്താപ്രക്രിയകൾ മനസ്സിലാക്കാനും അവയെ യുക്തിപരമായി മാറ്റാൻ ശ്രമിക്കാനും പഠിപ്പിക്കുന്നു. ബൈപോളാർ രോഗം അത് ബാധിച്ചവർക്കും അവരുടെ ചുറ്റുമുള്ള ആളുകൾക്കും അസാമാന്യ ബുദ്ധിമുട്ടുകൾ ഉളവാക്കുന്നു. രോഗസംബന്ധമായ വിവരങ്ങൾ രോഗിയേയും ബന്ധപ്പെട്ടവരേയും പഠിപ്പിക്കുക വഴി രോഗത്തിന്റെ നിരവധി വിനാശങ്ങൾ ഒഴിവാക്കാൻ സാധിക്കും. ബൈപോളാർ ഡിസോർഡർ ഉള്ളവർക്ക് അവരുടെ മൂഡുകളുടെ ഉയർച്ചയും താഴ്മയും നേരിടാൻ സമതുലിതത്വം നൽകുന്ന ഒരു ജീവിതശൈലി സൃഷ്ടിക്കാൻ ഇത്തരത്തിലുള്ള സൈക്കോ എജ്യുക്കേഷൻ സഹായിക്കും.

ആത്മഹത്യാശ്രമങ്ങൾ

ആത്മഹത്യ ചെയ്യുന്നതിനുള്ള ചായ് വ് വിഷാദരോഗി കളിൽ സാധാരണയാണ്. രോഗത്തിന്റെ ആരംഭദശയിലും ചികിത്സമൂലം സുഖംപ്രാപിച്ചുകൊണ്ടിരിക്കുന്ന അവസരത്തിലും ഈ രോഗികൾ ആത്മഹത്യ ചെയ്യുന്നു. ഈ വിവരം പ്രത്യേക പ്രാധാന്യമർഹിക്കുന്നു. രോഗം ഭേദമായിക്കൊള്ളും എന്ന് കരുതി രോഗിയെ ശ്രദ്ധിക്കാതിരിക്കാൻ സാധ്യതയുണ്ട്. ഈ അവസരത്തിൽ അമ്മമാർ സ്വന്തം കുഞ്ഞുങ്ങളെ കൊല ചെയ്യുവാൻ ഒരുമ്പെടും. ഇതിനവരെ പ്രേരിപ്പിക്കുന്ന ചേതോവിചാരം കയ്പുനിറഞ്ഞ ജീവിതത്തിൽനിന്നും തന്റെ കുട്ടി രക്ഷപ്പെടട്ടെ എന്നുള്ളതാണ്.

ബൈപോളാർ ഡിസോർഡർ ഉള്ളരിൽ ഒരാൾ അവരുടെ ജീവിതകാലത്ത് ഒരിക്കലെങ്കിലും ആത്മഹത്യയ്ക്ക് ശ്രമിക്കുന്നു. പല ശ്രമങ്ങളും പൂർത്തീകരിക്കപ്പെടുന്നു. വാർഷിക ശരാശരി ആത്മഹത്യാനിരക്ക് 0.4 ശതമാനം മുതൽ 1.4 ശതമാനം വരെയാണ്. ഇത് സാധാരണ ജനസംഖ്യ യെക്കാൾ 30- 60 മടങ്ങ് വരെ കൂടുതലാണ്.

ബൈപോളാർ ഡിസോർഡറിലെ ആത്മഹത്യാമരണ ങ്ങളുടെ എണ്ണം ബൈപോളാർ ഡിസോർഡർ ഇല്ലാത്ത സമാനപ്രായത്തിലുള്ളവരിൽ പ്രതീക്ഷിക്കുന്നതിനെക്കാൾ 18നും 25നും ഇടയിൽ കൂടുതലാണ്. ബൈപോളാർ ഡിസോർഡർ ഉള്ളവരിൽ ആജീവനാന്ത ആത്മഹത്യാ സാധ്യത വളരെ കൂടുതലാണ്. 34 ശതമാനം ആളുകൾ ആത്മഹത്യയ്ക്ക് ശ്രമിക്കുന്നു, 15- 20 ശതമാനം പേർ ആത്മഹത്യ ചെയ്യുന്നു.

ബൈപോളാർ ഡിസോർഡർ ഉള്ളവരിൽ ആത്മഹത്യാ ശ്രമങ്ങളും ആത്മഹത്യയും സാധാരണമാണ്. രോഗത്തിന്റെ അപകടഘട്ടങ്ങളിൽ മുൻകാല ആത്മഹത്യാശ്രമങ്ങൾ, വിഷാദാവസ്​ഥകൾ, വിഷാദവും മാനിയയും കൂടിയ സമ്മിശ്ര ബൈപോളാർ രോഗം, സൈക്കോട്ടിക് ലക്ഷണങ്ങ ളുള്ള മാനിക് എപ്പിസോഡ്, എപ്പിസോഡുകൾക്കിടയിലുള്ള നിരാശാവസ്​ഥ, സൈക്കോ മോട്ടോർ പ്രക്ഷോഭം, വാർദ്ധക്യം എന്നിവ പ്രത്യേക ശ്രദ്ധ അർഹിക്കുന്നു.

ഈ രോഗം അനുഭവിക്കുന്നവർക്ക് അമിതാനന്ദവും (മാനിയ) വിഷാദ (ഡിപ്രഷൻ) കാലവും ഉണ്ടാകു മെങ്കിലും വിഷാദ കാലയളവിൽ, ആത്മഹത്യാ ചിന്തകളും ശ്രമങ്ങളും ഉണ്ടാകാനുള്ള സാധ്യത കൂടുതലാണ്.

യുവജനങ്ങളിലുള്ള ബൈപോളാർ ഡിസോർഡർ പലപ്പോഴും വിഷാദരോഗാവസ്​ഥയായാണ് ആദ്യം പ്രത്യക്ഷപ്പെടുന്നത്. ഇവരിലുള്ള പല ആത്മഹത്യകളും ആത്മഹത്യാശ്രമങ്ങളും ഈ രോഗാവസ്​ഥ മൂലം സംഭവിക്കുന്നതാണ്.

ബൈപോളാർ ഡിസോർഡർ ഉള്ളവരിൽ, വ്യക്തിപരമായ മാനസികപ്രശ്നങ്ങൾ മൂലവും ആത്മഹത്യാചിന്തകളുണ്ടാകാം. മാനസികാരോഗ്യ കേന്ദ്രങ്ങളിൽ സേവനലഭ്യത കുറവായതിനാൽ, പലരും ശരിയായ ചികിത്സ ലഭിക്കാതെ പോകുന്നു. ബൈപോളാർ ഡിസോർഡർ ഉള്ളവരെ സമൂഹം പലപ്പോഴും അപമാനിക്കുകയും അവഗണിക്കുകയും ചെയ്യുന്നു. ഇത് അവരുടെ മാനസികാരോഗ്യത്തെ കൂടുതൽ മോശമാക്കുന്നു.

ഈ രോഗം ഉള്ളവരിൽ, രോഗത്തെക്കുറിച്ചുള്ള അവബോധം കുറവായിരിക്കാൻ സാധ്യതയുണ്ട്. ബൈപോളാർ ഡിസോർഡർ ഉള്ളവർക്ക് ശരിയായ സമയത്ത് ശരിയായ രോഗനിർണ്ണയം നടത്താനും മാനസികാരോഗ്യ പ്രശ്നങ്ങളുമായി ബന്ധപ്പെട്ട ഭയം, അപമാനം എന്നിവയെ ഫലപ്രദമായി നേരിടാനും അതിനുള്ള അവബോധവും ലഭ്യമായ ചികിത്സാമാർഗ്ഗങ്ങളെക്കുറിച്ചുള്ള അറിവുകളും വളരെ പ്രധാനമാണ്.

ദുരൂഹമായ ആത്മഹത്യകൾ

ആത്മഹത്യാ അന്വേഷണം സങ്കീർണ്ണവും സൂക്ഷ്മവുമായ ഒരു വിഷയമാണ്. ബന്ധുക്കൾ ആത്മഹത്യ മറച്ചുവെയ്ക്കുവാൻ ശ്രമിക്കുന്നത് സാധാരണമാണ്. ഈ വിഷയത്തെ കരുതലോടും കരുണയോടും സമീപിക്കണം. ആത്മഹത്യ യെക്കുറിച്ചുള്ള സാമൂഹികമായ കാഴ്ചപ്പാടുകൾ പ്രത്യേക ശ്രദ്ധ അർഹിക്കുന്നു.

കൊലപാതകങ്ങൾക്കു ശേഷം അത് ആത്മഹത്യയായി തെറ്റിദ്ധരിപ്പിക്കാനുള്ള ചില ശ്രമങ്ങളുണ്ടാകാറുണ്ട്. ആത്മഹത്യയെക്കുറിച്ച് കടുത്ത അപമാനചിന്തകളുള്ള സമൂഹത്തിൽ അതു സംഭവിച്ച ശേഷം കൊലപാതകമാണെന്ന് ചിത്രീകരിക്കാനുള്ള ശ്രമങ്ങൾ നടക്കാറുമുണ്ട്. അത്തരം ചില കൊലപാതകക്കേസുകളിൽ ബൈപോളാർ വിഷാദാവസ്​ഥ ഒളിഞ്ഞിരിക്കുന്നു എന്നതാണ് വസ്​തുത. അതറിയുന്നത് വഴി നിരപരാധികളായ വ്യക്തികളെ തെറ്റായ കുറ്റാരോപണത്തിൽനിന്നും രക്ഷിക്കാൻ കഴിയും. പൊലീസ്​ ഉദ്യോഗസ്​ഥരും നിയമജ്ഞരും കോടതി കളും ഈ വസ്​തുത ഗൗരവമായി പരിഗണിക്കേതുണ്ട്. മാനിയ കൂടാതെയുള്ള ബൈപോളാർ വിഷാദരോഗം അതിസൂക്ഷ്മവും നിഗൂഢവുമാണ്.

READ: വൃക്കയിലെ കല്ലിനെ തുരത്താം

വാർഡിമാർ ഹാഫ് കിൻ: മനുഷ്യരാശിയുടെ രക്ഷകൻ, ദുരന്തനായകൻ

കുട്ടികളിലെ
അമിതവണ്ണം

ചർമ്മസംരക്ഷണത്തിന്റെ പുതുവഴികൾ

മുലയൂട്ടലിനെക്കുറിച്ച് വീണ്ടും…

തോണിക്കടവിൽ
ഒരു പ്രസവം

വലുതാവാൻ
മടിക്കുന്ന കുട്ടികൾ;
പീറ്റർ പാനുകളുടെ ലോകം

മനസ്സ് എന്ന മാന്ത്രികക്കുതിര

ഡിമെൻഷ്യ;
ഒരാൾ മറക്കുന്നതല്ല,
ജീവിതം മാഞ്ഞുപോകുന്നതാണ്…

വൈറസ്:
സമരസപ്പെടുന്ന കാരുണ്യവും
രാഷ്ട്രീയവും

മഴക്കാലരോഗങ്ങൾ
കുട്ടികളിൽ

മഴക്കാലത്ത്
ചെവിയും തൊണ്ടയും മൂക്കും
സംരക്ഷിക്കേണ്ടവിധം

ഡെങ്കിപ്പനി

മഴക്കാലത്ത്
എലിപ്പനി
വെല്ലുവിളിക്കുമ്പോൾ

▮
‘ IMA നമ്മുടെ ആരോഗ്യം’ മാസികയുടെ വരിക്കാരാകാം