പാദസംരക്ഷണം
എങ്ങനെ?

പാദസംരക്ഷണത്തെക്കുറിച്ച് ആരോഗ്യവിദഗ്ദ്ധർ നല്കുന്ന സന്ദേശങ്ങളും വിവരങ്ങളും ശ്രവിക്കുക.

എല്ലാ ദിവസവും കിടക്കുന്നതിനു മുൻപ് കാലുകൾ സോപ്പും വെള്ളവും ഉപയോഗിച്ചു കഴുകി തുടച്ച് വൃത്തിയായി സംരക്ഷിക്കുക.

കാൽപാദം കാണാൻ പറ്റാത്തതുകൊണ്ട് മുഖം നോക്കുന്ന കണ്ണാടിയുടെ സഹായത്തോടെ സ്വയം പരിശോധിക്കാം.

സ്വയം പരിശോധിക്കാൻ ബുദ്ധിമുട്ടുള്ളവർ കൂടെയുള്ളവരുടെ സഹായം തേടേണ്ടതാണ്.

പാദത്തിലെ നീര്, നിറവ്യത്യാസം (കറുപ്പ്, നീല, ചുവപ്പ്), പാടുകൾ, പോറലുകൾ, മുറിവുകൾ, വ്രണങ്ങൾ, തഴമ്പ്, ആണിരോഗം, പൂപ്പൽബാധ ഇവയൊക്കെ ശ്രദ്ധിക്കണം.

കാലുകൾ വൃത്തിയാക്കി തുടച്ചശേഷം വരണ്ട കാലുകൾ (Dry foot) ഒഴിവാക്കുന്നതിന് moisturising cream പുരട്ടാം. വിരലുകളുടെ ഇടയിൽ (web space) പുരട്ടരുത്.

ചിട്ടയായ ഇടവേളകളിൽ നഖം മുറിച്ച് വൃത്തിയാക്കുക.

പാദരക്ഷകൾ, ഷൂസുകൾ ഉപയോഗിക്കുമ്പോൾ കൂർത്തതോ മുറിവുണ്ടാക്കാൻ പറ്റിയതോ ആയ വസ്​തുക്കൾ ശ്രദ്ധിക്കുക.

കഴിയുന്നതും കുളി കഴിഞ്ഞ സമയത്ത് നഖം മൃദുവായിരിക്കുമ്പോൾ മുറിക്കുക.

നഖം മുഴുവനായി ഒറ്റക്കഷണമായി മുറിച്ചുമാറ്റാൻ ശ്രമിക്കരുത്.

നഖം വളരെ ചെറുതാക്കി തൊലിയോട് ചേർത്തു മുറിക്കരുത്.

നഖം കുറുകെ മുറിക്കാൻ ശ്രദ്ധിക്കുക.

നഖത്തിന്റെ കോണുകൾ മുറിക്കുകയോ ഇടയ്ക്കുള്ള സ്​ഥലം മുറിവുവരുന്ന രീതിയിൽ തോണ്ടുകയോ ചെയ്യരുത്.

മുറിച്ചശേഷം ഫയൽ ഉപയോഗിച്ച് അഗ്രം മൃദുവാക്കാം.

കാഴ്ചശക്തി കുറവുള്ളവർ, പ്രമേഹം തുടങ്ങിയ അസുഖങ്ങൾ ഉള്ളവർ, കേടായ നഖമുള്ളവർ ഒക്കെ ഒരു poditarist-ന്റെ സേവനം തേടുക.

കൃത്യമായ ഇടവേളകളിൽ നഖം മുറിച്ചുമാറ്റുന്നതിന് ശ്രമിക്കുക.

പാദരക്ഷകൾ ശുചിയായി സൂക്ഷിക്കണം.

കൃത്യമായ അളവിലുള്ള പാദരക്ഷകൾ തെരഞ്ഞെടുക്കണം. വളരെ മുറുകിയതോ അയവുള്ളതോ ആകരുത്.

പാദത്തിൽ പ്രശ്നമുള്ളവർ MCR (Micro Cellular Rubber) അല്ലെങ്കിൽ Multilayered Customised പാദരക്ഷ ഉപയോഗിക്കുക.

പാദത്തിന്റെ പിൻഭാഗം കവർ ചെയ്ത് സ്​ട്രാപ്പ് ഉള്ള ചപ്പൽസ്​ തെരഞ്ഞെടുക്കുക.

പാദത്തിന്റെ ആർച്ചുകളെ (Arches of Foot) സംരക്ഷിച്ചുകൊണ്ടുള്ളതാകണം പാദരക്ഷ.

മുൻവശം വീതിയുള്ള രീതിയിലാകണം. (wide toe box)

തള്ളവിരലിൽ കൂടുതൽ ബലം വരുന്ന രീതിയിലാകരുത്.

പാദരക്ഷകൾ വൈകീട്ടു തെരഞ്ഞെടുത്താൽ അളവുകൾ കൃത്യമായിരിക്കും.

പാദത്തിൽ ‘പ്രഷർ പോയിൻ്റ്സ്​’ (Pressure Points)’ ഉണ്ടെങ്കിൽ Off Loading Technology ഉപയോഗിച്ചുള്ള customised പാദരക്ഷ ഉപയോഗിക്കാം.