തോളിനു വേദന
എന്തുകൊണ്ട്?

‘‘കൂടുതൽ നേരം മൊബൈൽ, കമ്പ്യൂട്ടർ, ടി.വി. എന്നിവ ഉപയോഗിക്കുന്നവർക്കും തോളിന്നടുത്ത് പേശീവേദന വരാറുണ്ട്’’- ‘IMA നമ്മുടെ ആരോഗ്യം’ മാസികയിൽ ‘വായനക്കാരുടെ ചോദ്യം ഡോക്ടറുടെ ഉത്തരം’ എന്ന പംക്തിയിൽ ഡോ. ആനന്ദൻ സി.കെ എഴുതിയത്.

ഡോ. ആനന്ദൻ സി.കെ

03 Aug 2025

പ്രധാനമായും ഏഴ് കാരണങ്ങൾ കൊണ്ടാണ് തോളിനു വേദന വരുന്നത്.

1.തോളിലെ നീർക്കെട്ട് (Periarthritis). തോൾ വേദനയുണ്ടാക്കുന്ന സാധാരണ അസുഖമാണിത്. തോൾ സന്ധിയിലെ ആവരണത്തിന് നീർക്കെട്ട് വരുമ്പോഴാണ് ഇതുണ്ടാകുന്നത്. കൂടുതൽനേരം സന്ധി ഉപയോഗിക്കുന്നവർക്കും, പ്രമേഹം, റുമാറ്റോയ്ഡ് വാതം എന്നീ അസുഖങ്ങൾ ഉള്ളവർക്കും ഇത് സാധാരണയായി കണ്ടുവരുന്നു.

2. തോൾ സന്ധിക്ക് സമീപത്തുള്ള പേശീതന്തുക്ക ൾക്ക് നീർക്കെട്ടുണ്ടായാലും ഇങ്ങനെ വരാം.

കൂടുതൽ നേരം മൊബൈൽ, കമ്പ്യൂട്ടർ, ടി.വി. എന്നിവ ഉപയോഗിക്കുന്നവർക്കും തോളിന്നടുത്തുള്ള പേശീവേദന വരാറുണ്ട്.

3.കഴുത്തിന്റെ അസ്ഥിക്ക് തേയ്മാനം സംഭവിച്ചാൽ ഞരമ്പ് വഴി (nerves) വേദന തോളിൽ അനുഭവപ്പെടാം (radiating pain).

4.കഴുത്തിന്റെ ഡിസ്ക് തെന്നുന്ന അസുഖം മൂലവും വേദന തോളിലും കൈയിലും, പുറത്തും വരാറുണ്ട്. കഴുത്തിന്റെ എല്ലിനുള്ളിലുള്ള സുഷുമ്നാ നാഡിയിൽ നിന്നാണ് തോളിലേക്കും കൈയ്യിലേക്കുമുള്ള ഞരമ്പുകൾ ഇറങ്ങിവരുന്നത്. ഇവ കഴുത്തിന്റെ എല്ലിനിടയിലുള്ള ദ്വാരത്തി ലൂടെയാണ് പുറത്ത് വരുന്നത്. തൊട്ടടുത്ത് തന്നെയു ള്ള ഡിസ്ക്, തേയ്മാനം സംഭവിച്ച എല്ലിന്റെ കൂർത്ത ഭാഗങ്ങൾ, പലതരം പഴുപ്പുകൾ, കാൻസർ എന്നിവ കൊണ്ട് ഞരമ്പിന് സമ്മർദ്ദമുണ്ടാവുകയും കഠിനമായ വേദനയുണ്ടാവുകയും ചെയ്യും. പക്ഷെ വേദന അനുഭവപ്പെടുന്നത്, ആ ഞരമ്പ് എവിടേക്കാ ണോ പോകുന്നത്, ഉദാ: തോൾ, കൈ, കൈപ്പത്തി, അവിടങ്ങളിലായിരിക്കും.

5. Rotator cuff എന്ന തോളിലെ പേശീകൂട്ടങ്ങൾ (നാലെണ്ണം) ഉളുക്കുകയോ വലിഞ്ഞ് പൊട്ടുകയോ ചെയ്താൽ കൈ പൊക്കുമ്പോൾ വേദനയുണ്ടാകാറുണ്ട്. വീഴ്ചയിലോ തെന്നലിലോ ആണ് ഇത് സംഭവിക്കുന്നത്.

6. ഹൃദയാഘാതത്തിന്റെയും ഹൃദയസംബന്ധമായ മറ്റു അസുഖങ്ങളുടെയും വേദന തോളിൽ അനുഭവപ്പെടാം.

7.വയറിലുള്ള ഗോൾ ബ്ലേഡ്ഡർ ഗ്രന്ഥിയിൽ നീർക്കെട്ടുണ്ടായാലോ കരളിന് അസുഖമുണ്ടായാലോ തോളിൽ വേദനയുണ്ടാവാം. ഇത് വലത് തോളിലാണ് ഉണ്ടാകാറുള്ളത്.

ഒരു അസ്ഥിരോഗ വിദഗ്ധനെ കാണിച്ച് ഉപദേശം തേടേണ്ടതാണ്.

READ: ചികിത്സാരംഗത്തെ
നൂതന വിപ്ലവം

പിത്താശയ കല്ലുകൾ
ഉയർത്തുന്ന വെല്ലുവിളികൾ

ഡോ. ശംഭുനാഥ് ദേ;
രാജ്യം മറന്നുപോയ
ഇന്ത്യൻ വൈദ്യശാസ്ത്ര പ്രതിഭ

ഉറക്കത്തിൽ
മൂത്രമൊഴിക്കുന്ന
കുട്ടികൾ