മനുഷ്യ മസ്തിഷ്കം ഒരു ചിത്രശലഭം പോലെ അതിമനോഹരമാണ്. അതിന്റെ അടിഭാഗത്ത് സ്ഥിതി ചെയ്യുന്ന പിറ്റ്യൂട്ടറി ഗ്രന്ഥി ചെറുതും, എന്നാൽ വളരെ 'ശക്തവുമാണ്. ഈ ചെറിയ ഗ്രന്ഥി ശരീരത്തിന്റെ മൊത്തം പ്രവർത്തനത്തിൽ ഒരു വലിയ പങ്ക് വഹിക്കുന്നു. വളർച്ച, ഉപാപചയം, പുനരുൽപാദനം എന്നിവ നിയന്ത്രിക്കുന്നതിലും ജീവിതത്തിനാവശ്യമായ ഹോർമോൺ സന്തുലിതാവസ്ഥ നിലനിർത്തുന്നതിലും.
പിറ്റ്യൂട്ടറി അഡിനോമ
പിറ്റ്യൂട്ടറി ഗ്രന്ഥിയുടെ കാൻസറല്ലാത്ത മുഴയാണ്. പേര് ലളിതമായി തോന്നാമെങ്കിലും ശരീരത്തിൽ ഇവ ചെലുത്തുന്ന സ്വാധീനം വളരെ സങ്കീർണ്ണമായിരിക്കും. ആയിരത്തിൽ ഒരാളിൽ ഇവ കാണപ്പെടുന്നു, എല്ലാ ബ്രെയിൻ ട്യൂമറുകളിലും ഏകദേശം 10% വരും. ഈ മുഴകളെ വലിപ്പം അനുസരിച്ച് തരം തിരിച്ചിരിക്കുന്നു:
മൈക്രോ അഡിനോമക്ക് ഒരു സെന്റിമീറ്ററിൽ താഴെയാണ് വലിപ്പം.
അതേസമയം മാക്രോ അഡിനോമ വലുതാണ്. അവ എങ്ങനെ പ്രവർത്തിക്കുന്നു എന്നതനുസരിച്ചാണ് അവയെ തരംതിരിക്കുന്നത്: പ്രവർത്തിക്കുന്ന അഡിനോമ അധിക ഹോർമോണുകൾ പുറത്തുവിടുന്നു, അതേസമയം പ്രവർത്തിക്കാത്ത അഡിനോമ അടുത്തുള്ള കോശങ്ങളിൽ സമ്മർദ്ദം ചെലുത്തി പ്രശ്നങ്ങൾ ഉണ്ടാക്കുന്നു.
പലർക്കും എളുപ്പത്തിൽ ശ്രദ്ധിക്കാൻ കഴിയുന്ന ആദ്യകാല ലക്ഷണങ്ങളുണ്ട്: നിരന്തരമായ തലവേദന, മങ്ങൽ, ഇരട്ട കാഴ്ച, ക്ഷീണം, ശരീരഭാരത്തിന്റെ വ്യതിയാനം, ഹോർമോൺ മാറ്റങ്ങൾ, ക്രമരഹിതമായ ആർത്തവം, കുറഞ്ഞ ലിബിഡോ അല്ലെങ്കിൽ അസാധാരണമായ ലൈംഗിക താൽപര്യം.
പ്രവർത്തനരഹിതമായ അഡിനോമ വർഷങ്ങളോളം മറഞ്ഞിരിക്കാം, പലപ്പോഴും ലക്ഷണങ്ങൾ യാദൃച്ഛികമായോ വ്യക്തമായോ കാണാം.
രോഗിയുടെ ആശങ്കകൾ ശ്രദ്ധാപൂർവ്വം കേൾക്കുകയും പരിശോധിക്കുകയും ചെയ്യുന്ന ഈ നിമിഷങ്ങളിലാണ് വൈദ്യശാസ്ത്രത്തിന്റെ യഥാർത്ഥ മഹിമ പ്രകടമാകുന്നത്. രോഗനിർണയത്തിലേക്കുള്ള പാത നിർണ്ണയിക്കുന്നത് ശ്രദ്ധാപൂർവ്വവും വ്യക്തിപരവുമായ ഒരു പ്രക്രിയയാണ്. ശാരീരിക ലക്ഷണങ്ങൾ മാത്രമല്ല, ഓരോ രോഗിക്കും ഉണ്ടായേക്കാവുന്ന ആശങ്കകളും ഭയങ്ങളും ശ്രദ്ധാപൂർവ്വം കേൾക്കണം. ഹോർമോൺ അളക്കുന്നതിനുള്ള രക്തപരിശോധനകൾക്കൊപ്പം വിശദമായ ന്യൂറോളജിക്കൽ, ശാരീരിക പരിശോധനയും അഡിനോമ പ്രവർത്തിക്കുന്നു ണ്ടോ ഇല്ലയോ എന്ന് തിരിച്ചറിയാൻ സഹായിക്കുന്നു.
എം.ആർ.ഐ പോലുള്ള ഉയർന്ന റെസല്യൂഷൻ സ്കാനുകൾ ട്യൂമറിന്റെ വ്യക്തമായ ചിത്രം നൽകുന്നു: അതിന്റെ വലുപ്പം, കൃത്യമായ സ്ഥാനം, ഓപ്റ്റിക് നാഡികൾ, കാവെർണസ് സൈനസ് പോലു ള്ള പ്രധാനപ്പെട്ട മേഖലകളുമായി അത് എത്രത്തോളം അടുത്താണ് എന്നീ വസ്തുതകളെല്ലാം. ഓരോ രോഗിക്കും ഏറ്റവും ഫലപ്രദമായ ചികിത്സ ആസൂത്രണം ചെയ്യാൻ പൂർണ്ണമായ ഒരു ധാരണ നമ്മെ സഹായിക്കും.
മൾട്ടി ഡിസിപ്ലിനറി ചികിത്സ
പിറ്റ്യൂട്ടറി അഡിനോമ ചികിത്സിക്കുന്നത് എല്ലായ്പ്പോഴും എളുപ്പമുള്ള കാര്യമല്ല. ചികിത്സാ പദ്ധതി പല ഘടകങ്ങളെ ആശ്രയിച്ചിരിക്കുന്നു. ട്യൂമറിന്റെ വലുപ്പവും തരവും, ലക്ഷണങ്ങളും, രോഗി യുടെ മൊത്തത്തിലുള്ള ആരോഗ്യവും. ലക്ഷണങ്ങൾ ഉണ്ടാക്കാത്ത ചെറുതും പ്രവർത്തനരഹിതവുമായ മുഴകൾ പലപ്പോഴും പതിവ് പരിശോധനകളും സ്കാനുകളും വഴി കൈകാര്യം ചെയ്യാൻ കഴിയും. എന്നാൽ പ്രവർത്തിക്കു ന്ന മുഴകൾക്ക് സാധാരണയായി ചികിത്സ ആവശ്യമാണ്. ചില രോഗികൾക്ക് അധിക ഹോർമോൺ ഉത്പാദനം നിയന്ത്രിക്കാൻ മരുന്നുകൾ സഹായിക്കും. എന്നാൽ പലർക്കും ശസ്ത്രക്രിയയാണ് ഏറ്റവും മികച്ചതും ഫലപ്രദവുമായ പദ്ധതി. പിറ്റ്യൂട്ടറി അഡിനോമയിൽ ശസ്ത്രക്രിയ നടത്തുന്നത് ഏറ്റവും സൂക്ഷ്മമായ ശസ്ത്രക്രിയകളിൽ ഒന്നാണ്. കാരണം ഗ്രന്ഥി പ്രധാനപ്പെട്ട ഞരമ്പുകളും രക്തക്കുഴലുകളും കൊണ്ട് ചുറ്റപ്പെട്ടിരിക്കുന്നു, അതിനാൽ ഓരോ ഘട്ടത്തിലും വളരെ കൃത്യത ആവശ്യമാണ്.
ട്യൂമർ നീക്കം ചെയ്യുക മാത്രമല്ല, ഹോർമോൺ ബാലൻസ് പുനഃസ്ഥാപിക്കുക, നാഡികളുടെ പ്രവർത്തനം സംരക്ഷിക്കുക, ഏറ്റവും പ്രധാനമായി, രോഗിയുടെ ജീവിതനിലവാരം മെച്ചപ്പെടുത്തുക എന്നിവയാണ് പ്രധാന ലക്ഷ്യം. ചില സന്ദർഭങ്ങളിൽ, ശേഷിക്കുന്ന ട്യൂമർ വളർച്ചയെ നിയന്ത്രിക്കുന്നതിന് റേഡിയേഷൻ തെറാപ്പി ചെയ്യാവുന്നതാണ്. ചികിത്സ ഫലപ്രദവും സുരക്ഷിതവുമാണെന്ന് ഉറപ്പുവരുത്തി രോഗിയുടെ മൊത്തത്തിലുള്ള ക്ഷേമം കണക്കിലെടുത്താണ് ഓരോ തീരുമാനവും എടുക്കുന്നത്.
ചികിത്സയിലെ മനുഷ്യബന്ധം
ശസ്ത്രക്രിയയും ചികിത്സയും കഥയുടെ ഒരു ഭാഗം മാത്രമാണ്. എല്ലാ രോഗികൾക്കും ഭയങ്ങളും സംശയങ്ങളും ഉണ്ടാകാം. അവ രെ പിന്തുണയ്ക്കുകയും പ്രോത്സാഹിപ്പിക്കയയും ചെയ്യേണ്ടതുണ്ട്. വൈ കാരികമായ സമീപനത്തിലൂടെ രോഗികൾക്കും അവരുടെ കുടും ബാംഗങ്ങൾക്കും നടപടിക്രമങ്ങളെ കുറിച്ച് വിശദീകരിച്ഛ് കൊടുക്കണം. ക്ഷമ, ദയ, വ്യക്തമായ ആശയവിനിമയം എന്നിവ എപ്പോഴും പ്രാധാന്യം അർഹിക്കുന്നു.
40 വയസ്സുള്ള ഒരു ബിസിനസുകാരന്റെ കഥ
വളരെ ശാന്തനായിരുന്നു അയാൾ. പക്ഷേ ആശങ്കാകുലനായിരുന്നു. രണ്ടാഴ്ചയായി, അദ്ദേ ഹത്തിന് ഇടതുവശം കാണാൻ ബുദ്ധിമുട്ടായിരുന്നു. നേരിയ മങ്ങൽ തുടങ്ങിയത് ഒരു ബ്ലൈൻഡ് സ്പോട്ടായി മാറി, അത് അദ്ദേഹത്തിന്റെ ദൈനം ദിന ജീവിതത്തെ ബാധിച്ചു.
ഒരു എം.ആർ.ഐ പരിശോധന നടത്തി, കാരണം മനസിലാക്കി; അദ്ദേഹത്തിന് ഒപ്റ്റിക് നാഡി കളിലേക്ക് സമ്മർദ്ദം ചെലുത്തുന്ന വലിയ ഒരു പിറ്റ്യൂട്ടറി അഡിനോമ ഉണ്ടായിരുന്നു. അദ്ദേഹത്തിന്റെ കാഴ്ചയും ആരോഗ്യവും സംരക്ഷിക്കാൻ ശസ്ത്രക്രിയ ആവശ്യമാണെന്ന് വിശദീകരിച്ചു. വേഗത്തിലുള്ള വീണ്ടെടുക്കലിനായി മൂക്കിലൂടെ പ്രവേശിക്കുന്ന ഒരു എൻഡോനാസൽ ട്രാൻസ്ഫെനോയ്ഡൽ ശസ്ത്രക്രിയ ഞങ്ങൾ ആസൂത്രണം ചെയ്തു. ആദ്യ ശസ്ത്രക്രിയയിൽ ട്യൂമറിന്റെ ഭൂരിഭാഗവും നീക്കം ചെയ്തു. അതിന്റെ ഒരു ഭാഗം തലച്ചോറിൽ പറ്റിപ്പിടിച്ചിരുന്നതിനാൽ, ബാക്കി യുള്ളവ നീക്കം ചെയ്യുന്നതിനായി രണ്ടാമത്തെ ട്രാൻസ്ക്രാനിയൽ ശസ്ത്രക്രിയ നടത്തി. സുഖം പ്രാപിക്കൽ ഒരു കൂട്ടായ ശ്രമത്തിന്റെ ഫലമാണ്. ഇ.എൻ.ടി സ്പെഷ്യലിസ്റ്റുകൾ മൂക്കിലെ പ്രശ്നങ്ങൾ ചികിത്സിച്ചു, എൻഡോക്രൈനോളജിസ്റ്റ് ഹോർമോണുകൾ സന്തുലിതമാക്കി, ഒരു സൈക്യാട്രിസ്റ്റ് അദ്ദേഹത്തെ വൈകാരികമായി പിന്തുണച്ചു. പതുക്കെ, അദ്ദേഹത്തിന്റെ തലവേദന കുറഞ്ഞു, ശ്വസനം മെച്ചപ്പെട്ടു, ഹോർമോൺ അളവ് സാധാരണ നിലയിലായി. ഓരോ ദിവസം കഴിയുന്തോറും അദ്ദേഹത്തിന്റെ കാഴ്ചയും ഊർജ്ജവും മെച്ചപ്പെട്ടു.
പിറ്റ്യൂട്ടറി ശസ്ത്രക്രിയകൾ സങ്കീർണ്ണവും സൂക്ഷ്മവുമാണ്. വിജയകരമായ ചികിത്സ ശസ്ത്ര ക്രിയ മാത്രമല്ല എന്ന് ഈ കേസ് എന്ന് എന്നും ഞങ്ങളെ ഓർമ്മിപ്പിക്കും. അത് ടീം വർക്ക്, വിശ്വാസം, കാരുണ്യപരമായ പരിചരണം എന്നിവയുടെ ഫലവും കൂടിയാണ്.
READ: ശ്വാസകോശാർബുദം:
ഓർക്കേണ്ട വസ്തുതകൾ
ചർമത്തിൽ
ചൊറിഞ്ഞു തടിക്കല്
എന്തുകൊണ്ട്,
എന്താണ് ചികിത്സ?
നോബൽ സമ്മാനം
ലഭിക്കാതെ പോയ ഒരാൾ
പകർച്ചവ്യാധികളുടെ മടിത്തട്ടാകുന്ന കേരളം;
വേണം, ജലജാഗ്രത
ആർത്തവ
വിരാമശേഷമുള്ള രക്തസ്രാവം:
അറിഞ്ഞിരിക്കേണ്ട
വസ്തുതകൾ
PCOS എന്ന അസുഖം, കോസ്മെറ്റിക് ഗൈനക്കോളജി
കൺപോളക്കുരു:
കാരണവും ചികിത്സയും
ആഘോഷമാകട്ടെ
നമ്മുടെ വാർദ്ധക്യം
ഡോക്ടറെ തല്ലിയാൽ
സിസ്റ്റം ശരിയാകുമോ?
കൗമാരത്തിലെ
പ്രതിരോധ
കുത്തിവെപ്പുകൾ
അത്യാഹിതങ്ങളിൽ
എങ്ങനെ ജീവൻരക്ഷാ പ്രവർത്തനം നടത്തണം?
ഡയബെറ്റിസ്:
ആരോഗ്യകരമായ
ഭക്ഷണക്രമത്തിന്റെ
പ്രാധാന്യം
റിവേർസ് ഡയബറ്റിസ്
എന്ത്, എങ്ങനെ?
ഇൻസുലിൻ,
പ്രമേഹരോഗിയുടെ
നിതാന്ത സുഹൃത്ത്
പ്രമേഹ ചികിത്സയിൽ
സ്വയം ഗ്ലൂക്കോസ് പരിശോധിക്കുന്നതിന്റെ പ്രസക്തി
കുട്ടികൾക്കും
പ്രമേഹം ഉണ്ടാകുമോ?
‘IMA നമ്മുടെ ആരോഗ്യം’
പത്രാധിപർ സംസാരിക്കുന്നു
▮
‘ IMA നമ്മുടെ ആരോഗ്യം’ മാസികയുടെ വരിക്കാരാകാം
